ادامدارعا مەديسينالىق كومەك كورسەتۋ – بۇل جانقيارلىقتى، باتىلدىقتى، اقىل-وي كۇشىن جانە ءوز ىسىنە ادالدىقتى قاجەت ەتەتىن وتە قيىن جانە اۋىر جۇمىس!
اپاتتار مەديسيناسى ورتالىعىنىڭ قاراعاندى وبلىسى بويىنشا دارىگەرى الەكساندر يۋريەۆيچ كوۆريكوۆ جۇمىستا ادامداردى ءومىر بويى قۇتقارادى. الدىمەن جەدەل مەديسينالىق جاردەم ستانسياسىندا جانە 12 جىلدان استام ۋاقىت اپاتتار مەديسيناسى ورتالىعىندا جۇمىس ىستەدى.
ءوز ءىسىنىڭ ۇزدىك مامانى جايلى Almaty-akshamy.kz دەنساۋلىق ساقتاۋ مينيسترلىگىنىڭ رەسمي سايتىنا سىلتەمە جاساي وتىرىپ حابارلايدى.
وسى جىلدار ىشىندە كوپتەگەن توتەنشە جاعدايلاردىڭ زارداپتارىن جويۋعا قاتىستى. ال جۇمىس جىلدارىنداعى قاتارداعى شىعۋلاردى ورتتەرگە، تۇتىنگە، جول-كولىك وقيعالارىنا شىعۋدى ەسەپتەۋ مۇمكىن ەمەس. لايىقتى دەمالىسقا شىققاننان كەيىن دە الەكساندر يۋريەۆيچ ءالى دە جۇمىس ىستەيدى جانە اپاتتار مەديسيناسى دەگەن ءوز تاڭداۋىن وزگەرتپەيدى.
مەديسينا قىزمەتكەرى كۇنى قارساڭىندا كوپ جىلعى ءمىنسىز ەڭبەگى جانە دەنساۋلىق ساقتاۋدى دامىتۋعا قوسقان جەكە ۇلەسى ءۇشىن الەكساندر يۋريەۆيچ دەنساۋلىق ساقتاۋدىڭ جوعارى ناگراداسىمەن – «قازاقستان رەسپۋبليكاسىنىڭ دەنساۋلىق ساقتاۋ ۇزدىگى» توسبەلگىسىمەن ماراپاتتالدى.