ەرتەڭ الماتىدا نايزاعاي جارقىلدايدى.
تجد الماتى تۇرعىندارىنا نايزاعاي جارقىلداۋى مۇمكىن ەكەنىن ەسكەرتتى، دەپ حابارلايدى Almaty-akshamy.kz
توتەنشە جاعدايلار دەپارتامەنتى قازگيدرومەتتىڭ داۋىلدى ەسكەرتۋى نەگىزىندە الماتىدا سەنبى، 13 مامىردا نايزاعاي بولجانعانى تۋرالى حابارلادى.
"الماتىدا كوشپەلى بۇلت شىعادى. كۇندىز وتكىنشى جاڭبىر جاۋىپ، نايزاعاي وينايدى. وڭتۇستىك-باتىستان ەكپىنى سەكۋندىنا 3-8 مەتر جەل سوعادى، نايزاعاي كەزىندە ەكپىنى 13 م/س بولادى. اۋا تەمپەراتۋراسى تۇندە +15+17°س، كۇندىز +24. + 26°س"، - دەپ حابارلاعان ەدى سينوپتيكتەر.
دەپارتامەنت الماتىلىقتارعا نايزاعاي كەزىندە نە ىستەۋ كەرەك ەكەنىن ايتتى.
پاتەردە، ۇيدە، عيماراتتا
"ەگەر نايزاعاي كەزىندە ۇيدە بولساڭىز، ەلەكتر سىمدارىنان، انتەننالاردان اۋلاق بولىڭىز. تەرەزەلەردى جابىڭىز، تەلەديداردى، راديونى جانە باسقا ەلەكتر قۇرالدارىن ءوشىرىڭىز، مەتالل زاتتارعا قول تيگىزبەڭىز"، دەلىنگەن الماتى توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان اقپاراتتا.
كولىكتە
الماتى تۇرعىندارى نايزاعاي جارقىلداعاندا كولىكتە بولسا، ونى تاستاماي، تەرەزەلەردى جاۋىپ جانە راديو انتەننانى ءتۇسىرىپ، سونىمەن قاتار كولىك جۇرگىزۋدى توقتاتۋى كەرەك. اۋا رايىنىڭ قولايسىزدىعىن جول جيەگىندە نەمەسە اعاش جوق جەردەگى تۇراقتا كۇتۋگە كەڭەس بەرىلەدى.
"بيىك جەردە نەمەسە اشىق جەردە تۇرماڭىز، نايزاعاي قويۋيىن كولىكتە كۇتىڭىز. قولايسىز اۋا-رايىندا كولىككە جانارماي قۇيۋعا بولمايدى. كولىك اراسىنا نەمەسە كولىكتىڭ ارتىنا وتىرماڭىز، استىنا تىعىلماڭىز. مەتالل زاتتارعا وتىرماڭىز جانە مەتالل زاتتاردى قولمەن ۇستاماڭىز"، دەپ ەسكەرتتى الماتى توتەنشە جاعدايلار دەپارتامەنتىنىڭ باسپا ءسوز قىزمەتى.
سونىمەن قاتار ۆەدومستۆو مۇندايدا ۆەلوسيپەد پەن موتوسيكلدىڭ ءقاۋىپتى بولۋى مۇمكىن ەكەنىن اتاپ ءوتتى. ولاردى جەرگە جاتقىزىپ، كەمىندە 30 مەتر قاشىقتا قوزعالۋ كەرەك.
دالادا
"ەگەر سىرتتا بولساڭىز، ەسىڭىزدە بولسىن: نايزاعاي كەزىندە جۇگىرىپ، ابىگەرلەنبەڭىز، ۇرەيلەنبەڭىز. بارلىق مەتالل اشەكەيلەرىڭىزدى (ساقينا، سىرعا، بىلەزىك) شەشىڭىز"، - دەپ كەڭەس بەردى الماتى قالاسى توتەنشە جاعدايلار دەپارتامەنتىنىڭ باسپا ءسوز قىزمەتى.
بۇل رەتتە الماتىلىقتارعا ەلەكتر جەلىلەرىنە نەمەسە بيىك اعاشتارعا جاقىنداماۋعا، تەمىر قورشاۋعا، بولات قۇبىرلارعا، رەلستەرگە، باسقا دا ەلەكتر وتكىزگىشتەرگە جاقىن تۇرماۋعا كەڭەس بەرىلدى.
بۇعان دەيىن حابارلاعانىمىزداي، سينوپتيكتەر قازاقستاندا 13 مامىر، سەنبى كۇنى اۋا رايى تۇراقسىز بولاتىنىن ايتتى.