الماتى وبلىسىندا ازاماتتار 40-تان استام قارۋدى پوليسياعا تاپسىردى، – دەپ حابارلايدى almaty-akshamy.kz
22 ساۋىردەن 28 مامىر ارالىعىندا تىركەلمەگەن قارۋدى حالىقتان ساتىپ الۋ اكسياسىن وتكىزۋ كەزىندە الماتى وبلىسىنىڭ ىشكى ىستەر ورگاندارىنا 44 بىرلىك قارۋ تاپسىرىلدى بۇل تۋرالى وبلىستىق اكىمشىلىك پوليسيا باسقارماسى باستىعىنىڭ مىندەتىن اتقارۋشى ەركەبۇلان احمەتوۆ وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە ايتتى.
– اكسيانىڭ ماقساتى – قوعامدىق قاۋىپسىزدىكتى نىعايتۋ جانە قارۋلى قىلمىستار جاساۋ ءقاۋپىن ازايتۋ. ول جىل سايىن وتكىزىلەدى جانە ءوزىنىڭ تيىمدىلىگىن دالەلدەدى: قارۋ-جاراقپەن جاسالعان قىلمىستار مەن قۇقىق بۇزۋشىلىقتار سانىنىڭ ايتارلىقتاي تومەندەۋى بايقالادى. سونىمەن قاتار تىركەلمەگەن قارۋدى ەرىكتى تۇردە تاپسىرۋ ازاماتتارعا 100 اەك-كە دەيىن قوسىمشا اقشالاي سىياقى الۋعا مۇمكىندىك بەرەدى. بۇل جولى قارۋدى ساتىپ الۋعا ءۇش ميلليوننان استام بيۋدجەت قاراجاتى ءبولىندى، – دەپ اتاپ ءوتتى ەركەبۇلان احمەتوۆ.
اكسيانى وتكىزۋ كەزىندە ازاماتتاردان بارلىعى 44 بىرلىك تىركەلمەگەن قارۋ، ونىڭ ىشىندە 11 – مىلتىق، 32 – تەگىس ۇڭعىلى جانە ءبىر بىرلىك تراۆماتيكالىق قارۋ ساتىپ الىندى.
– ەستەرىڭىزگە سالا كەتەيىك، قارۋ مەن وق-دارىلەردى تاپسىرعان ادامدار قىلمىستىق جاۋاپكەرشىلىكتەن بوساتىلادى، ال زاڭسىز ساقتالعان قارۋ مەن وق-دارىلەردى ەرىكتى تۇردە تاپسىرماعان ازاماتتار ونى تاپقان كەزدە قولدانىستاعى زاڭناماعا سايكەس جاۋاپقا تارتىلادى، – دەپ تولىقتىردى ە. احمەتوۆ.