قالا باسشىسىنىڭ باستامالارىن قولدايمىز.
شىلدەنىڭ 21 كۇنى الماتى اكىمى باقىتجان ساعىنتايەۆ «الماتى» تەلەارناسىنىڭ تىكەلەي ەفيرىندە جوبالاردىڭ ونلاين-پرەزەنتاسياسىن وتكىزدى. بۇل پرەزەنتاسيا بارىسىندا شاھار باسشىسى قالانىڭ كوممۋنالدىق ينفراقۇرىلىمىن دامىتۋ جانە جاڭعىرتۋ، سۋ بۇرۋ جانە سۋمەن جابدىقتاۋ، قالا كوشەلەرىن جارىقتاندىرۋ تۋرالى ايتىپ بەردى. «سەيسموستسترويزاششيتا» ج ش س ديرەكتورىنىڭ ورىنباسارى تيمۋر ءابدىراحمانوۆ بۇل باستامالاردى قولدايتىنىن جەتكىزدى، دەپ حابارلايدى Almaty-akhamy.kz.
«الەمنىڭ دامىعان قالالارى ءۇشىن جول ينفراقۇرىلىمىنىڭ ساپاسى جايلى ورتا قۇرۋداعى اسا ماڭىزدى كورسەتكىشتەردىڭ ءبىرى بولىپ تابىلادى. سول سەبەپتەن، الماتى قالاسى اكىمىنىڭ تىكەلەي ەفيردە ايتىپ وتكەن ماسەلەلەرى بۇگىندە الدىڭعى كەزەككە قويىلعان باستامالاردىڭ ءبىرى دەپ ەسەپتەۋگە بولادى. ونىڭ ىشىندە قالا باسشىسى اتاپ وتكەن – اۋداندارداعى ماگيسترالدى جانە سۋمەن جابدىقتاۋ مەن كارىز جەلىلەرىن سالۋ بويىنشا اۋقىمدى جۇمىستاردىڭ باستالۋى «جاڭا الماتىنى» دامىتۋداعى ۇلكەن باستامانىڭ ءبىرى بولىپ تابىلادى. ەفيردە اتاپ وتىلگەن كەشەندى جوسپاردىڭ اياسىندا وڭ شەشىلەتىن ماسەلەلەردىڭ ءبىرى – كارىز جەلىسى. قازىرگى تاڭدا وسىعان بايلانىستى اكىمدىك تاراپىنان سۋمەن جابدىقتاۋ جانە سۋ بۇرۋ جۇيەلەرىن سالۋ جانە رەكونسترۋكسيالاۋ، ستراتەگيالىق قۇرىلىستار سالۋ جۇمىستارى جۇرگىزىلىپ جاتىر. بۇل – ۇلكەن جاۋاپكەرشىلىكتى باستاما. سوندىقتان وسى ماسەلەلەردىڭ وزەكتىلىگى مەن ماڭىزدىلىعىن ەسكەرە وتىرىپ، قالا باسشىسىنىڭ اتقارىپ جاتقان ءىس-شارالارى مەن باستامالارىن قولدايمىز»، – دەدى تيمۋر ءابدىراحمانوۆ.