كوكيمبوداعى ءتۋرنيردىڭ جۇلدە قورى – 53 120 دوللار
قازاقستاندىق تەننيسشى تيموفەي سكاتوۆ (اتر رەيتينگىسىندە 158-ورىن) كوكيمبوداعى (چيلي) تۋرنيردە ءساتتى ويىن كورسەتۋىن جالعاستىرۋدا، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kz سايتىنىڭ مالىمەتىنشە، شيرەك فينالدا سكاتوۆ ارگەنتينالىق فەدەريكو كوريامەن (71ء-شى ورىن) كەزدەسىپ، ونى ءۇش سەتتە – 6:3، 3:6، 6:4 ەسەبىمەن جەڭدى.
«چەللەندجەردىڭ» جارتىلاي فينالىندا قازاقستاندىق سپورتشى تاعى ءبىر ارگەنتينالىق تەننيسشى، 1/4 فينالدا يتاليالىق ماركو چەككيناتونى (98ء-شى ورىن) جەڭگەن فاكۋندو دياس اكوستامەن (228ء-شى ورىن) كورتتا كەزدەسەدى.
كوكيمبوداعى ءتۋرنيردىڭ جۇلدە قورى – 53 120 دوللار. جەڭىمپاز 7200 دوللار ۇتىپ، 80 رەيتينگىلىك ۇپايعا يە بولادى.