دەپۋتات ۆيسە-پرەمەر التاي كولگىنوۆكە دەپۋتاتتىق ساۋال جولدادى.
امانجول ءالتاي كامەلەتكە تولماعانداردىڭ TikTok-تى پايدالانۋىنا تىيىم سالۋدى ۇسىندى، دەپ حابارلايدى Almaty-akshamy.kz
دەپۋتات ءوز سوزىندە سوڭعى كەزدەرى جاسوسپىرىمدەر اراسىندا جانتۇرشىگەرلىك وقيعالاردىڭ جيىلەپ كەتۋى بالا تاربيەسىنىڭ مەكتەپتە، وتباسىندا جانە قازىرگى قوعامدا ءالى دە بولسا شەشىمىن تاپپاي كەلە جاتقانىن ايعاقتايتىنىن اتاپ ءوتتى.
"تۇركىستانداعى مەكتەپ وقۋشىسىنىڭ ءولىمى، قازالىدا وقۋشىنى تەپكىلەگەن جاسوسپىرىمدەردىڭ ادەپسىز ارەكەتى، وسكەمەندە قىزدى اۋىر سوققىعا جىعۋ وقيعالارى - مەنىڭ بۇگىنگى ۋايىمىم"، - دەدى دەپۋتات.
ماجىلىسمەن ىشكى ىستەر مينيسترلىگىنىڭ كامەلەتكە تولماعاندار ىستەرى جونىندەگى ۋچاسكەلىك پوليسيا ينسپەكتورلارىنىڭ قىزمەتىن ۇيىمداستىرۋ قاعيداتتارىن قايتا قاراۋدى، سونداي-اق وقۋ-اعارتۋ مينيسترلىگىنە مەكتەپتەردەگى مۇعالىمدەردىڭ اكادەميالىق ءبىلىمىن عانا ەمەس، بالالارعا بەرىلەتىن ءبىلىم دەڭگەيىن، بالالارمەن قارىم-قاتىناسىن باعالاۋ تەتىكتەرىن ەنگىزۋدى ۇسىندى.
"الەۋمەتتىك ءمۇعالىم، سىنىپ جەتەكشىسى ءىس-شارالاردى ۇيىمداستىرۋ پرينسيپتەرىن قايتا قاراۋى كەرەك. قازاقستاندا بالالارعا شەكسىز قىزمەت كورسەتەتىن TikTok الەۋمەتتىك جەلىسىن كامەلەتكە تولماعاندار اراسىندا پايدالانۋعا تىيىم سالۋ كەرەك"، - دەپ تۇيىندەدى ءسوزىن امانجول التاي.