تەررور – الۋان ءتۇرلى كەيىپتە كورىنىس بەرەتىن، حالىقارالىق اۋقىمدا قاتەر توندىرەتىن اسا ءقاۋىپتى جانە الدىن الا بولجاۋى قيىنعا سوعاتىن كۇردەلى قۇبىلىستاردىڭ بىرىنە اينالىپ بارا جاتقانى جاسىرىن ەمەس.
ۋاقىت وتكەن سايىن تەررورلىق ارەكەتتەردىڭ دە تۇرلەرى كوبەيە تۇسۋدە، دەپ حابارلايدى aqshamnews.kz.
ساراپشىلاردىڭ پىكىرىنشە، تەررور نەگىزىنەن الەۋمەتتىك ماسەلەلەردەن باستالاتىن جانجالداردان، ۇلتارالىق جانە ءدىني شيەلەنىستەردەن، ەسىرتكى ترافيگى مەن ۇيىمداسقان قىل-مىستاردان، زاڭسىز قارۋ-جاراق ساۋداسىنان تۋىندايدى. سونىمەن قاتار، ادام قۇقىقتارىنىڭ ساقتالماۋى، كەدەيشىلىك، تاعى باسقا دا پروبلەمالار تەررورلىق يدەولوگيانىڭ تارا¬لۋىنا قولايلى جاعداي تۋعىزادى. قازاقستان باسشىلىعىنىڭ ءدىنارالىق، كون¬فەسسياارالىق جانە ەتنوسارالىق قاتىناستاردا جۇرگىزىپ كەلە جاتقان سالماقتى دا ساليقالى ساياساتىنىڭ ناتيجەسىندە ەلىمىزدە تەررورشىلدىقتىڭ جايىلۋىنا تۇرتكى بولاتىنداي ىشكى العىشارتتار جوق. دەگەنمەن، قازىرگى كەزدە وزگە مەملەكەتتەرمەن قاتار، قازاقستان ءۇشىن دە تەررورشىلدىقتان تونەتىن قاتەردىڭ وزەكتىلىگى كۇن تارتىبىنەن تۇسپەك ەمەس. حالىقارالىق قوعامداستىق پەن وڭىرلەردەگى ساياسي-ەكونوميكالىق جانە الەۋمەتتىك ماسەلەلەردىڭ ءوزارا تاۋەلدىلىگىنەن تۋىنداپ جاتقان تەررورشىلدىقتىڭ جاھاندانۋ ءۇردىسىن نازارعا الاتىن بولساق، بۇل قاۋىپ-قاتەرلەر ناقتى جانە شىنايى تۇردە كورىنىس تاباتىنى بايقالادى. سوندىقتان ۇدايى تەررورلىق ارەكەتتەردىڭ الدىن الۋ باعىتىندا جۇمىستار جۇرگىزىلۋى كەرەك.