تەرروريستىك سيپاتتاعى قىلمىستار جاساعانى ءۇشىن قازاقستاننىڭ ءۇش ازاماتى سوتتالدى، دەپ حابارلايدى اlmaty-akshamy.kz.
ۇلتتىق قاۋىپسىزدىك كوميتەتىنىڭ مالىمەتىنشە، 3 جانە 7 ماۋسىمدا شىمكەنت قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى تەرروريزمدى ناسيحاتتاۋ فاكتىسى بويىنشا ەكى جەرگىلىكتى تۇرعىنعا ءارقايسىسىنا 7 جىل باس بوستاندىعىنان ايىرۋ تۋرالى شەشىم شىعاردى. ولاردىڭ اينالاسىنداعىلار مەسسەندجەرلەر مەن الەۋمەتتىك جەلىلەر ارقىلى راديكالدى ءدىني ماتەريالداردى تاراتقانى انىقتالدى.
سونىمەن بىرگە 11 ماۋسىمدا استانا قالاسىنىڭ قىلمىستىق ىستەر جونىندەگى اۋدانارالىق سوتى وسىعان ۇقساس قىلمىسى ءۇشىن تۇرمەدە وتىرعان ەلوردا تۇرعىنىن 6 جىلعا قوسىمشا باس بوستاندىعىنان ايىردى. ول بيىلعى اقپاندا بيلىكتى باسىپ الۋعا، تەرروريستىك توپتى قۇرۋعا جانە باسقارۋعا، تەرروريستىك ارەكەتتى ۇيىمداستىرۋ ماقساتىندا ءۇي جالداۋعا، تەرروريزمدى ناسيحاتتاۋعا جانە قارجىلاندىرۋعا كوپشىلىكتى شاقىرعانى ءۇشىن 20 جىلعا سوتتالعان بولاتىن.
تەرگەۋ يزولياتورىندا بولعان ۋاقىتىندا ول زاڭسىز ارەكەتتەرىن توقتاتپاي، كامەرالاستارىنا تەرروريزم يدەولوگياسىن تاراتۋعا تىرىسقان.