ولاردىڭ جارتىسىنان استامى تاڭداۋ جاساپ ۇلگەردى.
بۇگىن الماتى قالاسى قىلمىستىق-اتقارۋ جۇيەسى دەپارتامەنتىنىڭ №72 مەكەمەسىندەگى (تەرگەۋ يزولياتورى) تۇتقىندار دا سايلاۋ ۋچاسكەسىنە كەلىپ، داۋىس بەرۋدە، دەپ حابارلايدى Almaty-akshamy.kz
ق ر قىلمىستىق-اتقارۋ كودەكسىنىڭ 104-بابىنىڭ 3-بولىگىندە كوزدەلگەندەي، سوت ۇكىمى بويىنشا باس بوستاندىعىنان ايىرۋ ورىندارىندا ۇستالاتىن سوتتالعانداردان باسقا كۇدىكتىلەردىڭ سايلاۋعا قاتىسۋعا قۇقىقتارى بار. اتالعان ساناتقا تەرگەۋ تۇتقىنىنداعىلار مەن سوتتىڭ ۇكىمى ءالى كۇشىنە ەنبەگەن، جاسى ون سەگىزگە تولعان ازاماتتار جاتادى.
پارلامەنت ءماجىلىسى جانە ءماسليحاتتارى دەپۋتاتتارىنىڭ كەزەكتەن تىس سايلاۋىنا دايىندىق كەزىندە الماتى قالاسى تۇركسىب اۋدانى اكىمىنىڭ شەشىمىمەن تەرگەۋ يزولياتورى ورنالاسقان اۋماق بويىنشا №479 سايلاۋ ۋچاسكەسى قۇرىلىپ، ۋچاسكەلىك سايلاۋ كوميسسياسىنىڭ مۇشەلەرى بەكىتىلدى.
№72 مەكەمەسىندە سايلاۋ وتكىزۋ ءۇشىن 5 كابينا جابدىقتالىپ، ۇگىت-ناسيحات جۇمىستارى جۇرگىزىلگەن بولاتىن. سونىمەن قاتار سايلاۋ ۋچاسكەسىنە بەينەباقىلاۋ ورناتىلىپ، اتالعان عيماراتتىڭ ءورت قاۋىپسىزدىگىنە كوميسسيالىق تۇردە تەكسەرۋ جۇرگىزىلدى.
«وسىنداي ماڭىزى زور ساياسي ناۋقانعا №72 مەكەمەسىندەگى تەرگەۋ قاماۋىنداعىلار دا بەلسەندى تۇردە اتسالىستى. 19 ناۋرىز كۇنى تاڭعى 7.00-دەن باستاپ تەرگەۋ يزولياتورىنداعى داۋىس بەرۋگە قۇقىلى مىڭنان استام كۇدىكتى تىركەلگەن. ولارعا الدىن الا قاج دەپارتامەنتىنىڭ قىزمەتكەرلەرى پارلامەنت ءماجىلىسى مەن ءماسليحات دەپۋتاتتىعىنا كانديداتتارمەن تانىسۋ ءۇشىن اقپاراتتىق ماتەريالدار ۇسىنعان بولاتىن»، – دەدى سايلاۋ ۋچاسكەسىنىڭ ءتوراعاسى مەكەمە باستىعى، ادىلەت پودپولكوۆنيگى ا.قاپىشيەۆ.
ءدال ءقازىر تەرگەۋ يزولياتورىنداعى سايلاۋ ۋچاسكەسىنە سايلاۋشى رەتىندە تىركەلگەن تۇتقىنداردىڭ جارتىسىنان استامى تاڭداۋ جاساپ ۇلگەردى.