قازاقستاندىق 15-جاسار زاڭعار نۇرلان ۇلى تۇركيانىڭ يزمير قالاسىندا وتكەن ITF Juniors J100 ءتۋرنيرىنىڭ جەڭىمپازى اتاندى.
بۇل تۋرالى فەدەراسيانىڭ باسپا ءسوز قىزمەتى مالىمدەدى.
قازاقستاندىق تەننيسشى فينالدا تۇركيانىڭ جاسوسپىرىمدەر اراسىنداعى ۇزدىگى، وسى جارىستىڭ 1-راكەتكاسى مەليح اناۆاتاندى تارتىستى ماچتا 3:6، 7:5، 6:2 ەسەبىمەن ۇتتى.
زاڭعار نۇرلان ۇلى فينالعا بارار جولدا تۇركيانىڭ تاعى ەكى وكىلىنەن ايلاسىن اسىردى.
«فينالدىق باسەكە وتە تارتىستى بولدى. ءبىرىنشى سەتتە ەسە جىبەرگەننەن كەيىن ەكىنشى پارتيادا جوعارى ويىن دەڭگەيىن كورسەتە الدىم. قورىتىندىسىندا جەڭىسكە جەتىپ، جەكەلەي سىندا 2024 جىلداعى العاشقى تيتۋلىما قول جەتكىزگەنىمە قۋانىشتىمىن»، - دەدى زاڭعار نۇرلان ۇلى.
بۇل – زاڭعاردىڭ جەكەلەي سىندا ITF Juniors جارىستارىنداعى ءۇشىنشى تابىسى. وتكەن جىلى ول ارمەنيا مەن سلوۆاكيادا ءدال وسىنداي دودالاردا ۇزدىك شىققان ەدى.