«داۋلەت» تەننيس ورتالىعىندا 12 جاسقا دەيىنگىلەر اراسىندا ءوتىپ جاتقان ازيا كوماندالىق بىرىنشىلىگىنىڭ (ITF Asian 12&Under Team Championships 2021) جارتىلاي فينالىندا قازاقستان مەن وزبەكستان كوماندالارى سىنعا تۇسەدى، دەپ حابارلايدى almaty-akshamy.kz قازاقپاراتقا سىلتەمە جاساپ
قازاقستان تەننيس فەدەراسياسى ءمالىم ەتكەنىندەي، قازاقستاندىق قىزدار دا، ۇلدار دا توپتىق باسەكەدە جارتىلاي فينالعا ءبىرىنشى ورىنمەن جولداما الدى. ۇلدار تايلاندتىقتاردان جەڭىلىپ قالعاننان كەيىن يوردانيامەن ماچقا ءتاستۇيىن دايىندىقپەن شىقتى. الدىمەن ورتالىق كورتتا ونەر كورسەتكەن ماديار تاعىبەكوۆ شاتارا تاليالمەن باسەكەدە ويىن تىزگىنىن بىردەن قولىنا الدى. قارسىلاسىنا ءبىر عانا گەيم بەرگەن ماديار ايقىن باسىمدىلىق تانىتتى. ياروسلاۆ پشەنيچنىي مەن جابەر امير كەزدەسۋىندە ءبىرىنشى سەتتە قازاقستاندىق تەننيسشى تاي-برەيكتە جەڭىستى جۇلىپ الدى. ەكىنشىسىندە ياروسلاۆ ەش مۇمكىندىك بەرگەن جوق – 6:0. جۇپتىق سىندا دا يا.پشەنيچنىي مەن م.تاعىبەكوۆ قارسىلاستارىن بەت قاراتپاي ۇتتى – 6:1، 6:0.
قىزدار اراسىندا قازاقستاندىقتار ۇندىستاندىقتارمەن كورتقا شىقتى. الدىمەن ەۆەلينا بالاگانسكايا مايە ريەۆاتحيگە ەسە جىبەردى – 6:7، 4:6. دەگەنمەن ەۆا كورىشيەۆا حاريتاشري ۆەكاتەشتەن ايلاسىن اسىرىپ، تارازى باسىن تەڭەستىردى – 6:2، 6:4. سوڭعى باسەكەدە سابينا شۋحراتوۆا مەن ە.كورىشيەۆا ريەۆاتحي مەن ۆەكاتەشتى ءسۇرىندىردى – 6:2، 6:4. وسىلايشا ءوز توپتارىندا ۇزدىك شىققان قازاقستاندىق ۇلدار مەن قىزدار فينالعا شىعۋ ءۇشىن وزبەكستان قۇراماسىمەن تالاساتىن بولدى.