تەڭىز كەن ورنىندا مۇناي ءوندىرۋ قايتا ىسكە قوسىلدى، دەپ حابارلايدى Aqshamnews.kz ءتىلشىسى ق ر ەنەرگەتيكا مينيسترلىگى مالىمەتىنە سۇيەنىپ.
وپەراتيۆتى شتاب دەرەگىنشە، بۇگىن ساعات 03:35-تە العاشقى ۇڭعىما گزۋ-52 ءساتتى اشىلدى. PBF نىسانىنىڭ تەحنولوگيالىق قوندىرعىلارى ىسكە قوسىلىپ، شتاتتىق رەجيمدە جۇمىس ىستەپ تۇر.
قازىرگى تاڭدا پايدالانۋعا 5 ۇڭعىما ەنگىزىلگەن. تەڭىزشيەۆرويل ماماندارى كەلەسى توپتىق ولشەۋ قوندىرعىسىن گزۋ-53ء-تى ىسكە قوسۋعا دايىنداپ جاتىر. ءوندىرىس كولەمى تەحنولوگيالىق پارامەترلەر تۇراقتانۋىنا قاراي كەزەڭ-كەزەڭىمەن ۇلعايتىلادى جانە قاۋىپسىزدىك تالاپتارى قاتاڭ ساقتالادى.
ايتا كەتەيىك، 26 قاڭتاردا ەكىنشى بۋىن زاۋىتى ىسكە قوسىلعان ەدى. مينيسترلىك پەن قازمۇنايگاز جوبانىڭ جوسپارلى قۋاتقا شىعۋ مەرزىمىن قىسقارتۋ ءۇشىن وپەراتورعا جان-جاقتى قولداۋ كورسەتىپ وتىرعانىن حابارلادى. قالپىنا كەلتىرۋ جۇمىستارىنىڭ ۇيلەستىرۋىنە ۆيسە-مينيستر قايىرحان تۇتقىشبايەۆ ءوندىرىس نىساندارىندا ءجۇر.