قازاقستاندىق تەننيسشى ەلەنا رىباكينا مانسابىندا ەكىنشى رەت ۇلكەن دۋلىعا ءتۋرنيرىنىڭ چەمپيونى اتاندى، دەپ حابارلايدى Aqshamnews.kz ءتىلشىسى.
اۆستراليا اشىق چەمپيوناتىنىڭ فينالىندا رىباكينا الەمنىڭ ءبىرىنشى راكەتكاسى، بەلارۋس وكىلى ارينا سوبولەنكانى جەڭدى. العاشقى سەتتە قازاقستاندىق سپورتشى برەيك جاساپ، ءوز الاڭىن سەنىمدى قورعاپ، پارتيانى 6:4 ەسەبىمەن اياقتادى.
ەكىنشى سەتتە تارتىس سوڭىنا دەيىن جالعاسىپ، 5:4 ەسەبىندە سوبولەنكو رىباكينانىڭ سوققىسىن الىپ، ماچتەگى ەسەپتى تەڭەستىردى.
شەشۋشى سەتتە بەلارۋس تەننيسشىسى 3:0 ەسەبىمەن العا شىققانىمەن، رىباكينا قاتارىنان بەس گەيم جەڭىپ، باسىمدىقتى ءوز قولىنا الدى جانە ءماچتى سەنىمدى تۇردە اياقتادى.
وسىلايشا، ەلەنا رىباكينا اۆستراليا اشىق چەمپيوناتىنىڭ جەڭىمپازى اتانىپ، قازاقستان تەننيسى تاريحىنداعى ءىرى جەتىستىكتەردىڭ ءبىرىن قايتالادى.