قازاقستان قور بيرجاسىنداعى ورتاشا باعام 473 تەڭگە 95 تيىنعا تەڭەستى.
جۇما كۇنگى دەرەكتەرمەن سالىستىرعاندا، ءتول ۆاليۋتامىز دوللارعا شاققاندا 3 تەڭگەگە كۇشەيگەن. قارجى ساراپشىسى اندرەي چەبوتاريەۆ مۇنى سالىق اپتالىعىمەن بايلانىستىرادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ساراپشى مۇنايدىڭ ارزانداۋى، دوللار يندەكسىنىڭ ءوسۋى سەكىلدى تەرىس سىرتقى فاكتورلار بولعانىمەن، بۇل قىسىمدار تەڭگەگە اسەر ەتپەيتىنىن جەتكىزدى. ونىڭ ايتۋىنشا، دوللار ۆاليۋتاسى باعامىنىڭ الدىن الا السىرەۋى سىرتقى كۇيزەلىستەردىڭ سالدارىن بىلدىرتپەۋ ماقساتىندا قولعا الىنعان. بۇل بولجامدا اعىمداعى جىلدىڭ بيۋدجەت پارامەترلەرى ەسكەرىلگەن. تۇزەتۋدەن كەيىن ەسەپ ايىرىسۋ باعامى ءبىر دوللار ءۇشىن 460 تەڭگە دەڭگەيىندە بەلگىلەندى. چەبوتاريەۆتىڭ پىكىرىنشە، جاڭا سىرتقى تولقۋلار بولماسا، ۇلتتىق ۆاليۋتا وسى ارالىقتا تۇراقتاپ قالۋى ابدەن مۇمكىن.