تەمىرتاۋدا قالا كۇنىندە كوشە بويىمەن جاڭا ادەمى ترامۆاي ءجۇرىپ ءوتتى، دەپ حابارلايدى aqshamnews.kz.
ول سىناق رەجيمىندە ىسكە قوسىلدى. الداعى ۋاقىتتا تاعى بىرنەشە جول جانە ەلەكتر ينفراقۇرىلىمى سىناقتان وتەدى. جىل سوڭىنا دەيىن تۇراقتى قوزعالىس بولادى دەپ جوسپارلانۋدا، دەپ حابارلايدى قاراعاندى وبلىسىنىڭ اكىمدىگى.
تەمىرتاۋدا ترامۆايلار 2023 جىلدىڭ اقپان ايىندا ءجۇرۋىن توقتاتتى. ەكولوگيالىق كولىكتىڭ جۇمىسىن قالپىنا كەلتىرۋ مەتاللۋرگيا كومبيناتىنىڭ جاڭا يەسى - Qarmet كومپانياسىنىڭ باسىم الەۋمەتتىك باستامالارىنىڭ بىرىنە اينالدى. وسى جىلدىڭ كوكتەمىندە تەمىرجول جەلىسىن اۋىستىرۋ باستالدى. بۇگىنگى تاڭدا 15،3 شاقىرىمعا جاڭا رەلستەر توسەلدى. جۇمىس جالعاسادى.
قالا بويىنشا 8 جاڭا زاماناۋي ۆاگون جۇرە باستايدى. ولاردىڭ ءارقايسىسى ءۇشىن جەكە ديزاين جاسالعان. سۋرەتتەردىڭ تاقىرىبى - سەح جانە كومبينات ءوندىرىسى، ۆاگونداردىڭ ءبىرى تەمىرتاۋ قالاسىنا ارنالادى.
ترامۆايلاردىڭ سىرتى عانا ادەمى ەمەس، سونىمەن قاتار ءىشى دە جايلى. كولىك كونديسيونەرلەرمەن، قاۋىپسىزدىك جانە جىلىتۋ جۇيەلەرىمەن، LED-جارىقتاندىرۋمەن جابدىقتالعان. تومەن ەدەن جانە جينالمالى پاندۋستار ەرەكشە قاجەتتىلىكتەرى بار جولاۋشىلارعا ىڭعايلى ءارى ساپار شەگۋدى قول جەتىمدى ەتەدى.
Qarmet تەمىرتاۋ جوعارى پوليتەحنيكالىق كوللەدجىمەن بىرلەسىپ ترامۆاي جۇرگىزۋشىلەرىن وقىتۋ باعدارلاماسىنا قابىلداپ، جۇمىسقا ورنالاسۋعا كەپىلدىك بەرەتىنى تۋرالى جاريالادى. 12 ادامنان قۇرىلعان العاشقى توپتى قازان ايىندا قۇرىلىپ، كومپانيا قاراجاتى ەسەبىنەن اشىلماق.