بىرنەشە وتباسى تىرەگىنەن ايىرىلدى. جۇلدەمدى سولارعا ارنايمىن.
توكيوداعى پاراليمپيادا ويىندارىنىڭ كۇمىس جۇلدەگەرى تەمىرجان داۋلەت جامبىل وبلىسىنداعى جارىلىس سالدارىنان قايتىس بولعانداردىڭ ءۇي ىشىنە كوڭىل ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
توكيودا ءوتىپ جاتقان پاراليمپيادا ويىندارىندا دزيۋدو كۇرەسىنەن كۇمىس مەدال العان تەمىرجان داۋلەت جۇلدەسىن ەل تاۋەلسىزدىگىنىڭ 30 جىلدىعى مەن جامبىل وبلىسىنداعى جارىلىستان زارداپ شەككەندەرگە ارنايتىنىن ايتتى.
«وسى جۇلدەمدى قازاقستاننىڭ تاۋەلسىزدىگىنە ارنايمىن. جامبىل وبلىسىنداعى وقىس وقيعا سالدارىنان ادامدار قايتىس بولىپ، ءبىرتالاي ادام جاراقات الدى. بىرنەشە وتباسى تىرەگىنەن ايىرىلدى. جۇلدەمدى سولارعا ارنايمىن. اللا تاعالا ولارعا سابىر بەرسىن!» - دەدى سپورتشى.
ەسكە سالساق، توكيودا ءوتىپ جاتقان پاراليمپيادا ويىندارىندا قازاقستاندىق پارادزيۋدوشى تەمىرجان داۋلەت كۇمىس مەدال يەلەنگەن بولاتىن. 73 كەلى سالماق دارەجەسى بويىنشا فينالىندا وزبەكستاندىق فەرۋز سايدوۆ قازاقستاندىق سپورتشىنى يپپون ادىسىمەن جەڭىپ كەتتى. تەمىرجان داۋلەت جارتىلاي فينالدا گرۋزين گەورگيي كالدانيدى يپپون ادىسىمەن جەڭگەن ەدى.