قاتەرلى ىسىك اۋرۋىن زەتتەۋ بويىنشا حالىقارلىق اگەنتتىگى تەمەكى شەگۋدىڭ زيانى جايلى زەرتتەۋ جۇرگىزدى.
عالىمدار تەمەكى ونىمدەرىن ساتۋعا تىيىم سالۋ 1،2 ملن ادامنىڭ ءومىرىن قۇتقارۋى مۇمكىن ەكەنىن اتاپ ءوتتى. بۇل تۋرالى The Lancet Public Health عىلىمي جۋرنالى جازدى، دەپ حابارلايدى aqshamnews.kz.
«جاھاندىق دەڭگەيدە 2006-2010 جىلدارى تۋىلعان حالىق اراسىندا وكپەنىڭ قاتەرلى ىسىگىنەن 2 951 400 ءولىم بولۋى مۇمكىن دەپ بولجانۋدا»، — دەپ اتاپ ءوتتى عالىمدار.
ولار سونداي-اق، ەگەر ونكولوگيالىق اۋرۋلاردىڭ كورسەتكىشتەرى 15 جىلدىق ءۇردىسىن ساقتاپ قالسا، مۇنداي ناتيجە جاس ۇرپاقتى دا كۇتىپ تۇرعانىن اتاپ ءوتتى. زەرتتەۋ جۇرگىزۋ ءۇشىن عالىمدار وسى جىلدارى تۋىلعان ادامدار توبىن الىپ، ولارعا تەمەكى ساتۋعا تولىق تىيىم سالۋدى ۇسىندى.
تاباكتى تولىق جويعان جاعدايدا، «تەمەكىسىز ۇرپاق» تۇجىرىمداماسىنىڭ ارقاسىندا ادامدار اراسىندا وكپەنىڭ قاتەرلى ىسىگىنەن بولاتىن بارلىق ءولىم-جىتىمنىڭ جالپى سانىنان 1 186 500ء-نىڭ (40،2%) الدىن الۋعا بولادى. بۇل اسىرەسە تابىسى تومەن جانە ورتاشا ەلدەرگە قاتىستى، ءدال سول ەلدەردە ونكولوگيالىق جاعداي ەڭ ءقاۋىپتى دەپ تۇسىندىرىلەدى.
عالىمدار ءقازىر تەمەكى شەگۋدەن ەرلەر ءولىمى 1 842 900 (62،4%)، ال ايەلدەر اراسىندا 1 108 500 (37،6%) بولادى دەپ بولجاۋدا. زەرتتەۋدى جۇرگىزۋ ءۇشىن ددسۇ-نىڭ 82 ەلدىڭ وكپە وبىرىنان بولاتىن ءولىم-جىتىم تۋرالى دەرەكتەرى جينالدى.
قىركۇيەك ايىندا ددسۇ بالالار مەن جاسوسپىرىمدەردىڭ گادجەتتەردى پايدالانۋىن ازايتۋعا شاقىردى. ۇيىم،سونىمەن قاتار، تاباكتى قولدانۋدا دا ۇقساس شەكتەۋلەر ەنگىزۋگە شاقىردى.