تەمەكى دە تاڭبالاناتىن بولدى

بۇدان بۇرىن ەلىمىزدە اياق كيىمدەردىڭ تاڭبالاناتىن مەرزىمى تۋرالى حابارلاعانبىز.

قازاقستاندا تاۋارلاردى تاڭبالاۋ ۇدەرىسى قارقىن الۋدا، دەپ حابارلايدى Almaty-akshamy.kz

«اتامەكەن» ۇكپ-نىڭ مالىمەتىنشە، 2020 جىلدىڭ 1 قازانىنان باستاپ قازاقستاندا ساتىلاتىن بارلىق تەمەكى ونىمدەرىندە، سونداي-اق ەلەكتروندىق سيگارەتتەردىڭ ستيكتەرىندە Data Matrix كودى بەلگىلەنۋى كەرەك. بۇل كودتا تاۋار تۋرالى بۇكىل اقپارات – ءوندىرۋشى، يمپورتەر، پارتيانىڭ سەريالىق ءنومىرى جانە باسقا دا مالىمەتتەر قامتىلادى. بۇل شارا تاۋاردىڭ قوزعالۋىن قاداعالاۋ ءۇشىن قولعا الىنىپ وتىر. ءبىر بۋما تەمەكى تۇپكى تۇتىنۋشىعا جەتكەن كەزدە ونى 2D-سكانەر كومەگىمەن اينالىمنان شىعارۋ كەرەك.

«تاڭبالاۋ جۇيەسىندە وتكىزۋ-قابىلداپ الۋ اكتىلەرىن مىندەتتى راستاۋ پروسەدۋراسى الىنىپ تاستالادى. بۇل نورما بيزنەس ءۇشىن ەرىكتى فورماعا اۋىسادى. 2D-سكانەرگە كەلەتىن بولساق، ونىڭ قۇنى شامامەن 25 000 تەڭگە. ونىڭ Naqty Sauda Kassa  اتتى ءموبيلدى قوسىمشا رەتىندەگى تەگىن بالاماسى دا بار»، – دەپ اتاپ ءوتتى مەملەكەتتىك كىرىستەر كوميتەتىنىڭ وكىلى نۇرداۋلەت ورىنتاي.