ماسك دۋروۆتىڭ جەتىستىگىن جوعارى باعالادى
امەريكاندىق كاسىپكەر يلون ماسك Telegram نەگىزىن قالاۋشى پاۆەل دۋروۆتىڭ مەسسەندجەردەگى رەكوردتىق جەتىستىگىن ماقتادى.
«كەرەمەت جۇمىس»، – دەپ جازدى ميللياردەر X الەۋمەتتىك جەلىسىندەگى پاراقشاسىندا.
دۋروۆ 2024 جىلدىڭ Telegram ءۇشىن تاريحي جىل بولعانىن مالىمدەدى: مونەتيزاسيا باعدارلاماسى ىسكە قوسىلعاننان كەيىن ءۇش جىل ىشىندە سەرۆيس العاش رەت پايداعا شىقتى.
2024 جىلى مەسسەندجەردىڭ جالپى تابىسى ءبىر ميلليارد دوللاردان استى. Telegram Premium اقىلى جازىلىمىن پايدالانۋشىلار سانى ءۇش ەسە ءوسىپ، 12 ميلليونعا جەتتى. سونىمەن قاتار، دۋروۆ جارناما تابىسىنىڭ بىرنەشە ەسە ارتقانىن ايتىپ، جىلدىڭ 500 ميلليون دوللاردان استام اقشالاي رەزەرۆپەن اياقتالعانىن جەتكىزدى.
دۋروۆ Telegram-دى مونەتيزاسيالاۋ باستاماسىن 2020 جىلدىڭ سوڭىندا جاريالاعان ەدى. بۇل شەشىمنىڭ سەبەبى رەتىندە قولدانۋشىلار سانىنىڭ كوبەيۋىنە بايلانىستى مەسسەندجەردى قىزمەت كورسەتۋ شىعىندارىنىڭ ءوسۋىن اتادى. مونەتيزاسيا باعدارلاماسى 2021 جىلى ىسكە قوسىلعان بولاتىن.