بىلتىر جالعان حابارلامالار بويىنشا 181 قىلمىستىق ءىس قوزعالعان.
وتكەن جىلى تەرروريزم اكتىلەرى بويىنشا جالعان حابارلامالار سانى ارتقان، دەپ حابارلايدى Almaty-akshamy.kz.
ادەتتە، اتالعان فاكتىلەردى تەكسەرۋ كوپ ۋاقىت پەن رەسۋرستاردى قاجەت ەتەدى. وقيعا ورنىنا پوليسيا، قۇتقارۋشىلار، كينولوگتار، ءورت سوندىرۋشىلەر، جەدەل جاردەم بريگادالارى، جەدەل تەرگەۋ توپتارى بارادى. كاسىپورىنداردىڭ قالىپتى جۇمىس رەجيمى بۇزىلادى.
«بۇل كۇش پەن قۇرالداردىڭ ايتارلىقتاي اۋىتقۋىنا اكەلەدى، تەكسەرىلەتىن كوممەرسيالىق كاسىپورىندار ميلليونداعان شىعىنعا ۇشىرايدى، تەررورلىق شابۋىل تۋرالى جالعان حابارلامالار ادامداردى ەۆاكۋاسيالاۋ كەزىندە دۇربەلەڭ مەن قۇرباندىققا اكەلۋى مۇمكىن. قۇقىق قورعاۋ جانە ارنايى ورگاندار وسىنداي ءانونيمدى حابارلامالاردىڭ اۆتورلارىن انىقتاۋ بويىنشا شارالار قابىلدايدى. 2022 جىلى 25 ادام سوتتالدى»، – دەلىنگەن حابارلامادا.
مىسالى، 2022 جىلعى شىلدەدە قوستاناي وبلىسىنىڭ تۇرعىنى ءوز كورشىسىنەن كەك الۋ ماقساتىندا ەلەكتروندىق پوشتاسىن بۇزىپ، ونىڭ اتىنان استانا جانە الماتى قالالارىنىڭ 13 نىساندارىنا (ساۋدا ورتالىقتارى، اۋەجايلار، بانكتەر جانە ت.ب.) تەرروريزم اكتىسى تۋرالى كورىنەۋ جالعان حابارلاما جىبەرگەنى ءۇشىن 1 جىل 6 ايعا باس بوستاندىعىنان ايىرىلدى.
ايتا كەتۋ كەرەك، قۇقىقتىق ءتارتىپتى قورعاۋ ورگاندارىندا قىلمىستىق جاۋاپكەرشىلىككە تارتۋ ءۇشىن وسىنداي قۇقىق بۇزۋشىلاردى جەدەل انىقتاۋ پراكتيكالىق تاجىربيەسى بار.
تاجىريبە كورسەتكەندەي، قىلمىسكەرلەر تەك ەل ىشىندە عانا ەمەس، ودان تىس جەرلەردە دە ارەكەت ەتەدى.
باس پروكۋراتۋرا مۇددەلى مەملەكەتتىك ورگاندارمەن بىرلەسىپ كورىنەۋ جالعان تەرروريزم بويىنشا قىلمىستىق جاۋاپتىلىقتى كۇشەيتۋ جانە قۇقىق بۇزۋشىلىقتىڭ وسى ءتۇرىن «اۋىر» ساناتىنا جاتقىزۋ (7 جىلعا دەيىن باس بوستاندىعىنان ايىرۋ مەرزىمى) تۋرالى ماسەلەنى پىسىقتاۋدا.