6 قازاندا اتوم ەلەكتر ستانسياسىن سالۋ بويىنشا رەسپۋبليكالىق رەفەرەندۋم وتەدى. وسىعان وراي ءبىز بۇل ماڭىزدى جوبانى قولداۋ ماقساتىندا قالالىق شتاب قۇردىق.
بۇگىنگى تاڭدا 127 ادام، ونىڭ ىشىندە 85 سپيكەر شتابتىڭ قۇرامىنا ەندى. سپيكەرلەردىڭ اراسىندا ەكولوگيا مەن ەنەرگەتيكا سالاسىنداعى بىلىكتى ماماندار بار، ولار بۇل تاقىرىپتى تەرەڭ ءتۇسىنىپ، حالىققا قاجەتتى اقپاراتتى جەتكىزە الادى.
شتابتىڭ باستى ماقساتى — اەس قۇرىلىسىن قولداۋدىڭ قاجەتتىلىگىن ءتۇسىندىرۋ جانە بۇل جوبا ەلىمىز ءۇشىن قانشالىقتى ماڭىزدى ەكەنىن ناقتى جەتكىزۋ. تەك كاسىبي ماماندار عانا بۇل جوبانىڭ بولاشاقتاعى الەۋەتى تۋرالى ناقتى ءارى تۇسىنىكتى اقپارات بەرە الادى.
سونىمەن قاتار، ءبىزدىڭ قاتارىمىزعا اتوم سالاسىنىڭ ماماندارى قوسىلىپ، ءوز سالالارى بويىنشا ماڭىزدى اقپاراتپەن بولىسەدى.