بۇل تۋرالى ۇكىمەت وتىرىسىندا ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى اlmaty-akshamy.kz
2022 جىلى گرانتتار سانى 10%-عا ارتادى. بۇعان قوسا تەحنيكالىق باعىتتارعا باسىمدىق پەن قولجەتىمدىلىكتى كەڭەيتۋ ءۇشىن تەحنيكالىق ماماندىقتارعا ارنالعان گرانتتاردىڭ ۇلەسى 40%-دان 60%-عا دەيىن ۇلعايتىلادى. سونداي-اق اۋىلدىق كۆوتا دا بيىل 35%-عا دەيىن ۇلعايتىلادى، - دەدى مينيستر.
ايماعامبەتوۆتىڭ ايتۋىنشا، ءبىلىم ساپاسى جاعىنان الشاقتىعى بار وڭىرلەردىڭ ابيتۋريەنتتەرىنە تەحنيكالىق باعىتتارى بويىنشا قوسىمشا 10 000 نىسانالى گرانت بولىنەدى.
ءبىز تالداۋ جۇرگىزىپ، وڭىرلەردى انىقتادىق. بۇل – ماڭعىستاۋ، اتىراۋ وبلىستارى. جوسپارعا سايكەس، ستۋدەنتتەر ەلىمىزدىڭ جەتەكشى جوعارى وقۋ ورىندارىندا ءبىلىم الادى. سونداي-اق وقۋ اياقتالعان سوڭ، تۇرعىلىقتى جەرلەرىنە بارىپ وتەۋ كوزدەلەدى. قوعامدىق ءتارتىپتى ساقتاۋ جونىندەگى مىندەتتەردى ورىنداۋ كەزىندە قازا تاپقان قۇقىق قورعاۋ جانە ارناۋلى مەملەكەتتىك ورگاندار قىزمەتكەرلەرىنىڭ بالالارىنا ۋنيۆەرسيتەتتەردە تەگىن وقۋ ءۇشىن ءبىلىم گرانتتارىن بەرۋ جونىندەگى نورمانى ەنگىزەمىز، - دەدى ءبىلىم باسشىسى ۇكىمەتتە.
ەكونوميكا ءۇشىن كادرلاردى جەدەل دايارلاۋ ءۇشىن بيىل پيلوتتىق رەجيمدە 2،5-3 جىل وقىتۋمەن قولدانبالى باكالاۆريات ەنگىزىلە باستايدى.
جوعارعى ءبىلىم بەرۋدە «ونلاين وقىتۋ» جاڭا نىسانىن ەنگىزۋ جوسپارلانىپ وتىر. ياعني ەندى ونلاين فورماتتا ساباق بەرەتىن ۋنيۆەرسيتەتتەر دە پايدا بولادى دەگەندى بىلدىرەدى. ءتيىستى زاڭ جوباسى ماجىلىستە قارالىپ جاتىر. بۇل سيفرلاندىرۋ زامانىنىڭ سۇرانىسىنا ساي كەلەتىن شارا، - دەپ ايتتى ول.