جامبىل وبلىسىنىڭ تۇرعىنى ەڭبەك كىتاپشاسىنداعى فاميلياسىنىڭ دۇرىس جازىلماۋىنا بايلانىستى زەينەتاقى تولەمدەرىن بەرۋدەن جامبىل وبلىسى جۋالى اۋداندىق زەينەتاقى تولەۋ ورتالىعى باس تارتقان، دەپ حابارلايدى aqshamnews.kz.
وسى جاعدايعا قاتىستى ول اۋداندىق سوتقا تالاپ ارىز بەردى.
جۋالى اۋدانىندا تۇراتىن ازامات 1985 جىلدان 1998 جىلعا دەيىن ۇجىمدىق شارۋاشىلىقتا جۇمىس ىستەگەن. جۇمىسشى زەينەتاقى قۇجاتتارىن رەسىمدەۋگە كەلگەن كەزدە، زەينەتاقى ورتالىعى ەڭبەك كىتاپشاسىندا فاميلياسىنىڭ دۇرىس جازىلماعانىن انىقتاپ، زەينەتاقى تولەمدەرىن بەرۋدەن باس تارتقان.
ەر ادام بۇل ماسەلەنى شەشۋ ءۇشىن سوتقا جۇگىندى. جۋالى اۋداندىق سوتى ارحيۆتىك انىقتامانى قاراپ، ونىڭ جەكە دەرەكتەرىن جانە اتالعان شارۋاشىلىقتاعى جۇمىسىن راستادى.
«سوت تالاپ ارىزدى قاناعاتتاندىرىپ، ەڭبەك كىتاپشاسىنىڭ سول ازاماتقا تيەسىلى ەكەندىگىن مويىندادى»، – دەپ حابارلادى جۋالى اۋداندىق سوتىنىڭ باسپا ءسوز قىزمەتى.
سوت شەشىمى ءالى زاڭدى كۇشىنە ەنگەن جوق.