قاڭتار ايىنىڭ 28–29 ارالىعىندا استانادا العاش رەت ۇيىمداستىرىلعان «Teacher’s Hackathon» رەسپۋبليكالىق پەداگوگيكالىق حاكاتونى ءساتتى اياقتالدى، - دەپ حابارلايدى aqshamnews.kz.
وقۋ-اعارتۋ مينيسترلىگىنىڭ مالىمەتىنشە، ءىس-شارا ەلىمىزدىڭ بارلىق وڭىرىنەن كەلگەن جاس پەداگوگتەردىڭ باسىن قوستى. حاكاتونعا 76 مامانداندىرىلعان مەكتەپتەن جاس پەداگوگتەر قاتىسىپ، 15 كومانداعا بولىنە وتىرىپ ءبىلىم بەرۋ سالاسىنداعى وزەكتى ماسەلەلەرگە باعىتتالعان يننوۆاسيالىق جوبالارىن ازىرلەدى.
ەكى كۇنگە سوزىلعان حاكاتون بارىسىندا قاتىسۋشىلار زاماناۋي پەداگوگيكالىق تاسىلدەر مەن سيفرلىق تەحنولوگيالاردى قولدانا وتىرىپ، ءوز يدەيالارىن ۇسىندى، تاجىريبە الماستى. بۇل الاڭ جاس پەداگوگتەردىڭ شىعارماشىلىق الەۋەتىن اشۋعا جانە كاسىبي قاۋىمداستىقتاعى ءوزارا بايلانىستى نىعايتۋعا مۇمكىندىك بەردى.
«Teacher’s Hackathon» - جاس ۇستازداردىڭ كاسىبي قۇزىرەتتىلىگىن ارتتىرۋعا، جوبالىق جانە كوماندالىق جۇمىس داعدىلارىن دامىتۋعا باعىتتالعان ماڭىزدى رەسپۋبليكالىق الاڭ رەتىندە قالىپتاسىپ كەلەدى.