اتالمىش شارا بارلىق 14 ەرەكشە قورعالاتىن تابيعي اۋماقتاردا اۋا-رايىنا بايلانىستى 27 ناۋرىز جانە 24 ساۋىردە وتكىزىلەدى.
27 ناۋرىزدا «كولساي كولدەرى»، «ىلە-الاتاۋى»، «شارىن»، «التىن ەمەل»، «جوڭعار الاتاۋى»، «سايرام-وگەم» ۇلتتىق پاركتەرىنىڭ، «قاراتاۋ»، «ءۇستىرت»، «الماتى»، «الاكول»، «بارساكەلمەس»، «اقسۋ-جاباعىلى» قورىقتارىنىڭ جانە «ىلە-بالقاش»، «اقجايىق»، «ىرعىز-تورعاي» رەزەرۆاتى وكىلدەرى، جەرگىلىكتى حالىق، ەرىكتىلەرمەن بىرلەسىپ 18 توننادان استام قوقىس جينادى، دەپ حابارلايدى aqshamnews.kz.
بۇل قۇرعاعان بۇتالار، قىس مەزگىلىنەن كەيىن قۇلاعان اعاشتار، تۇرمىستىق قالدىقتار، تۇسكەن جاپىراقتار مەن بالشىق شوگىندىلەرى. ءىس-شاراعا 800-دەن استام ادام قاتىستى.
مۇنداي اكسيالار بىرەگەي ەكوجۇيەلەردى ساقتاۋعا جانە قورشاعان ورتانىڭ لاستانۋىن بولدىرماۋعا باعىتتالعان. ەستەرىڭىزگە سالا كەتەيىك، «تازا ايماق» اكسياسى «تازا قازاقستان» ەكولوگيالىق مادەنيەتىن دامىتۋ تۇجىرىمداماسى اياسىندا جۇزەگە اسىرىلدى.
ەكولوگيا مينيسترلىگى بارلىق قازاقستاندىقتاردى ەكولوگيالىق باستامالارعا بەلسەندى تۇردە قاتىسۋعا جانە قورشاعان ورتانى قورعاۋعا ءوز ۇلەستەرىن قوسۋعا شاقىرادى.