ىشكى ىستەر مينيسترلىگى "تازا قازاقستان" باعدارلاماسىن ىسكە اسىرۋ اياسىندا 2024 جىلدىڭ 15 ساۋىرىنەن باستاپ رەسپۋبليكا اۋماعىندا تۇرمىستىق قاتتى جانە قۇرىلىس قالدىقتارىن ارنايى بەلگىلەنبەگەن ورىندارعا تاستاۋعا، سونداي-اق سۇيىق قالدىقتاردى پوليگونداردان تىس جەرلەرگە توگۋگە جول بەرمەۋ بويىنشا اكسيا وتكىزىپ كەلەدى، - دەپ حابارلايدى aqshamnews.kz.
جالپى شامامەن 4 مىڭعا جۋىق ستيحيالىق قوقىس ورنى انىقتالىپ، 664 مىڭنان استام اكىمشىلىك قۇقىق بۇزۋشىلىق تىركەلدى. جەرگىلىكتى اتقارۋشى ورگاندارعا زاڭ بۇزۋشىلىقتاردى جويۋ جونىندە 2 834 ۇسىنىس ەنگىزىلىپ، ناتيجەسىندە 2 295 قوقىس ورنى جويىلدى.
قورشاعان ورتانى قورعاۋ سالاسىنداعى سانيتاريالىق-ەپيدەميولوگيالىق جانە ەكولوگيالىق تالاپتاردى بۇزعانى ءۇشىن 1 419 لاۋازىمدى تۇلعا اكىمشىلىك جاۋاپكەرشىلىككە تارتىلدى. پوليسيا ازاماتتاردى قورشاعان ورتاعا ۇقىپتى قاراۋعا، تابيعاتتى قورعاۋ زاڭناماسىنىڭ تالاپتارىن ساقتاۋعا، سونداي-اق قوعامدىق ءتارتىپتى بۇزباۋعا شاقىرادى.