#جىل_قورىتىندىسى
مەملەكەت باسشىسى قاسىم-جومارت توقايەۆتىڭ باستاماسىمەن بيىلعى ءساۋىر ايىنان باستاپ رەسپۋبليكالىق «تازا قازاقستان» ەكولوگيالىق اكسياسى باستاۋ الدى، دەپ حابارلايدى اqshamnews.kz
ءىس-شارا ەلىمىزدەگى ەكولوگيالىق احۋالدى جاقسارتۋعا، حالىقتىڭ ەكولوگيالىق مادەنيەتى دەڭگەيىن ارتتىرۋعا جانە ازاماتتاردى قورشاعان ورتانى قورعاۋ ماسەلەلەرىنە تارتۋعا باعىتتالعان.
اكسيا ەلىمىزدىڭ بارلىق ءوڭىرىن قامتىپ، تۇراقتى ەكولوگيالىق بولاشاق نەگىزىن قالادى، 5،83 ملن-نان استام ادامنىڭ باسىن بىرىكتىردى، بۇل – ەل حالقىنىڭ ەداۋىر بولىگىن قۇرايدى.
ءىس-شارا اياسىندا جاپپاي سەنبىلىكتەر وتكىزىلدى، ونىڭ بارىسىندا 1،1 ملن توننادان استام قوقىس جينالىپ، 1،6 ملن-نان استام اعاش وتىرعىزىلدى.
مەملەكەتتىك قۇرىلىمدار دەڭگەيىندە دە، ەرىكتىلەر مەن جەكە ۇيىمداردى قوسا العاندا، جۇرتشىلىق اراسىندا دا بەلسەندى تۇردە جۇمىس جۇرگىزىلدى.
رۇقسات ەتىلمەگەن قوقىس ۇيىندىلەرىن انىقتاۋ بويىنشا رەيدتەر جۇرگىزىلدى. اۋماقتىق ەكولوگيا دەپارتامەنتتەرىمەن جانە جەرگىلىكتى بيلىك ورگاندارىمەن بىرلەسىپ كوپتەگەن قوقىس ورنى جويىلدى. بۇل – ەكولوگيالىق نورمالاردى ساقتاۋدىڭ ماڭىزدى ەكەنىن كورسەتىپ، ەكولوگيالىق تۇراقتى بولاشاق قۇرۋعا نەگىز قالايدى.