كرەديتتى 10 جىلعا الۋعا بولادى.
بيىل تاۋىق شارۋاشىلىعىمەن اينالىساتىن فەرمەرلەرگە 2،5 پايىزبەن بيۋدجەتتىك نەسيە بەرۋ جوسپارلانعان. بۇل تۋرالى ۇكىمەت كۋلۋارىندا ساۋدا جانە ينتەگراسيا ءمينيسترى سەرىك جۇمانعارين مالىمدەدى، دەپ حابارلايدى Almaty-akshamy.kz.
ءمينيستردىڭ ايتۋىنشا، ءقازىر فەرمەرلەر ىشكى نارىقتى تاۋىق ەتىمەن 50-55 پايىزعا عانا قامتاماسىز ەتىپ وتىر، بۇل كورسەتكىشتى كوتەرۋ قاجەت.
«ىشكى نارىقتى قامتاماسىز ەتۋ كەرەك. وتكەن جىلى تاۋارلىق ءسۇت فەرمالارعا 100 ملرد تەڭگە بيۋدجەتتىك نەسيە بەردىك. بيىل تاۋىق ەتىمەن قامتاماسىز ەتۋ ءۇشىن فەرمەرلەرگە سونداي بيۋدجەتتىك نەسيەنى 2،5 پايىزبەن 10 جىلعا بەرۋ جوسپارى بار»، – دەدى مينيستر.
سەرىك جۇمانعارين ىشكى نارىقتى ەكى جىلدىڭ ىشىندە تولىعىمەن تاۋىق ەتى، ءسۇت ونىمدەرى، بالىق، كوكونىستەرمەن قامتاماسىز ەتۋ جوسپارى بار ەكەنىن ايتتى.