تاۋەلسىزدىك ۇرپاقتارى» اتتى رەسپۋبليكالىق جاستار فورۋمىندا ق ر اقپارات جانە قوعامدىق دامۋ ءمينيسترى ايدا بالايەۆا تاۋەلسىزدىكتىڭ نىعايۋىنا ۇلەس قوسقان جاستار تۋرالى ايتتى، دەپ حابارلايدى almaty-akshamy.kz
ساناۋلى كۇندەردەن كەيىن ەلىمىزدىڭ ەڭ باستى مەرەكەسى تاۋەلسىزدىك كۇنىن اتاپ وتەمىز. بيىل ەلىمىز ءۇشىن تاريحي ءمانى مەن ماڭىزى زور ەل تاۋەلسىزدىگىنىڭ 30 جىلدىق مەجەسىن باعىندىرىپ وتىرمىز. ارينە، بۇگىنگى كۇننىڭ جەتىستىگى وڭاي كەلگەن جوق. 30 جىلدىق دامۋدا، ەلباسى ايتقانداي، تابىستارمەن قاتار قيىندىقتار دا از بولمادى. دەگەنمەن ەلىمىزدىڭ تۇڭعىش پرەزيدەنتى-ەلباسىنىڭ كەمەرگەرلىگىنىڭ ارقاسىندا تاۋەلسىز قازاقستان ءوزىنىڭ ستراتەگيالىق دامۋ باعىتىن دەر كەزىندە انىقتادى. سونىڭ ناتيجەسىندە قيىندىقتاردى تەز ەڭسەرىپ، دامۋدىڭ داڭعىل جولىنا ءتۇستى. سوندىقتان دا بۇگىن ەلباسى جانە تاۋەلسىزدىك سوزدەرى ەگىز ۇعىمدارعا اينالدى»، - دەگەن مينيستر وسى جىلدار ىشىندە وزىق ويلى، جان-جاقتى، ءبىلىمدى، تالانتتى وزدەرىڭىز سياقتى جاس بۋىن قالىپتاسقانىن ەسكە سالدى.
«بۇگىندە الەمدە «قازاقستان قايدا، قانداي ەل»، دەپ سۇرايتىنداردىڭ قاتارى ازايىپ كەلە جاتىر. وعان ءتۇرلى سالاداعى جەتىستىكتەر كۋا. سونىڭ ىشىندە ەلىمىزدى جاھانعا تانىمال ەتۋگە ولشەۋسىز ۇلەس قوسىپ جۇرگەن تالانتتى جاستارىمىز جەتەرلىك. مۋزىكادا ديماش قۇدايبەرگەن، ماريا مۋدرياك، دانەليا تولەشوۆا، «گرەممي» cىيلىعىن جەڭىپ العان يمانبەك زەيكەنيەۆ، سپورتتا گەنناديي گولوۆكين، جانىبەك ءالىمحان ۇلى، دانيار ەلەۋسىنوۆ، شاحماتتان حالىقارالىق گروسسمەيستەر جانسايا ابدىمالىك، وتاندىق نانوۆاكينانىڭ اۆتورلارىنىڭ ءبىرى، جاس عالىم قايسار تابىن. بۇل ءتىزىمدى توقتاۋسىز جالعاستىرا بەرۋگە بولادى. بۇل ءسوز جوق، تاۋەلسىزدىك العاننان باستاپ داستار ماسەلەسىنىڭ باستى نازاردا بولىپ، ەل باسشىلىعىنىڭ تالانتتى داستارعا كورسەتكەن تۇراقتى قولداۋىنىڭ جەمىسى»، - دەدى ايدا بالايەۆا.