الماتى اكىمى باقىتجان ساعىنتايەۆ جاڭا جەلىلىك پاركتىڭ سالىنۋىنا قاتىستى. ءىس-شارا قازاقستان تاۋەلسىزدىگىنىڭ 30 جىلدىعىنا ورايلاستىرىلعان، دەپ حابارلايدى اlmaty-akshamy.kz
باقىتجان ساعىنتايەۆ ءىس-شاراعا قاتىسۋشىلاردى، جوباعا قولداۋ كورسەتكەن مەسەناتتاردى، سونداي-اق بارشا قالا تۇرعىندارىن كەلە جاتقان باستى مەرەكەمەن قۇتتىقتادى.
«جايلى جاعداي جاساۋ، الماتى ەكولوگياسىن جاقسارتۋ جونىندەگى كەشەندى شارالار ءبىزدىڭ باستى مىندەتتەرىمىز بولىپ تابىلادى. جاڭا ساياباق Jasyl Almaty جوباسى اياسىندا قۇرىلاتىن قالانىڭ جاسىل بەلدەۋىنىڭ ماڭىزدى بولىگىنە اينالادى»، - دەدى باقىتجان ساعىنتايەۆ.
جاڭا پاركتىڭ قۇرىلۋىنا بيزنەستىڭ الەۋمەتتىك جاۋاپكەرشىلىگى اياسىندا ءىرى قۇرىلىس كومپانيالارى قولداۋ كورسەتتى. جەلىلى پاركتىڭ الاڭى – 107،1 گا. ول الاتاۋ اۋدانىندا، ب. مومىش ۇلى كوشەسىنىڭ باتىسىندا ورنالاسقان.
ءبىرىنشى كەزەڭدە 3،2 گا الاڭدا كوگالداندىرۋ اياسىندا 600-دەن كەم ەمەس جاپىراقتى اعاش كوشەتتەرى، ونىڭ ىشىندە شەگىرشىن، شاعان جانە قارا ورىك وتىرعىزىلادى.
ەسكە سالساق، الماتىدا ەكىنشى جىل Jasyl Almaty باعدارلاماسى جۇزەگە اسىرىلۋدا، ونىڭ اياسىندا ءۇش جىلدا 1 ملن اعاش وتىرعىزۋ قاراستىرىلعان. بۇگىندە قالانىڭ بارلىق اۋداندارىندا 530 مىڭنان استام اعاش وتىرعىزىلدى.
بيىل 350 مىڭ اعاشتى وتىرعىزۋ باستالدى، قازىرگى كەزدە وتىرعىزىلعانى – 115 مىڭعا جۋىق اعاش.
