30 جىل ىشىندە ءبىز الەمدە لايىقتى ورىن الىپ، ءوزىمىزدى مەملەكەت رەتىندە بەكىتتىك. بۇل تۋرالى تاريح عىلىمدارىنىڭ دوكتورى، پروفەسسور، الماتى كورەي ۇلتتىق ورتالىعى ءتوراعاسىنىڭ ورىنباسارى گەورگيي كان ايتتى، دەپ حابارلايدى Almaty-akshamy.kz.
«تاۋەلسىزدىك كۇنى – كەز كەلگەن مەملەكەت پەن حالىقتىڭ تاريحىنداعى ۇلى مەرەكە. ءبىز تاۋەلسىزدىگىمىزدىڭ قانداي قيىنشىلىقپەن بەرىلگەنىن كوپ عاسىرلىق تاريحىمىزدان بىلەمىز، سوندىقتان بۇگىن ءبىز بۇل مەرەكەنى ۇلكەن ىستىق ىقىلاسپەن جانە پاتريوتتىق سەزىممەن تويلايمىز. 30 جىل ىشىندە ءبىز الەمدە لايىقتى ورىن الىپ، ءوزىمىزدى مەملەكەت رەتىندە بەكىتتىك. بۇل كۇنى الماتىلىقتارعا تاماشا كونسەرت ۇسىنىلىپ، وندا الماتىنىڭ تاريحي جانە ساياسي وقيعالاردىڭ وشاعى بولعانى تۋرالى مۇراعاتتىق كادرلار كورسەتىلدى. تاۋەلسىزدىكتىڭ العاشقى قادامدارى ەسكە ءتۇستى. بۇگىن تاماشا مۋزىكالىق باعدارلاما، كورنەكىلىكتەر جانە، ارينە، ماراپاتتاۋ اتموسفەراسىنىڭ ءوزى ەرەكشە اسەر قالدىردى»،-دەدى گەورگيي كان.