الماتى اكىمى باقىتجان ساعىنتايەۆ تۇراقتى ەكوتۋريزمدى دامىتۋ شارالارى اياسىندا قۇرىلعان جاڭا تۋريستىك نىسانمەن تانىستى
جەكە ينۆەستور جۇزەگە اسىرعان جوبا – قوعامدىق تاماقتاندىرۋ پۋنكتى، تۋريستىك قۇرال-جابدىقتار دۇكەنى جانە قوعامدىق ۆانناسى بار تۋريستىك اقپاراتتىق ورتالىق، دەپ حابارلايدى Almaty-akshamy.kz
ۆيزيت-ورتالىقتا «ىلە-الاتاۋ» ۇلتتىق پاركى تۋرالى بارلىق قاجەتتى اقپاراتتى الۋعا بولادى، ول ءۇشىن مۇندا Visit Almaty ينفوستويكاسى ورناتىلعان، كونسۋلتانتتار جۇمىس ىستەيدى. مۇندا تۋريستىك باعىتتار، سوقپاقتار تۋرالى دەرەكتەر، ۇلتتىق پارك اۋماعىنداعى وبەكتىلەردىڭ بايلانىستارى جانە ءقاۋىپسىز جانە جايلى تۋريزم ءۇشىن قاجەتتى جابدىقتار ۇسىنىلادى.
«ءبىز تاۋەلسىزدىك كۇنى سياقتى تاماشا مەرەكەدە ۆيزيت-ورتالىقتى اشۋعا قۋانىشتىمىز. بوگەتكە بارار جولدا ءبىز دەمالۋشىلار ءۇشىن 15 ورىندىق ورناتتىق. سونداي-اق، جاياۋ جۇرگىنشىلەر ايماعىن اباتتاندىراتىن بولامىز»، - دەدى «تاۋ جول شىمبۇلاق» ج ش س باسشىسى سەرگەي سپيسىن.
«مەدەۋ» بسك ۆيزيت-ورتالىعى جالپى الاڭى 208 ش.م اۋماقتا ورنالاسقان، ينۆەستيسيا كولەمى – 100 ملن تەڭگە، 50 جۇمىس ورنى قۇرىلعان.
تاۋلاردا ءقاۋىپسىز جانە جايلى بولۋدى قامتاماسىز ەتۋ ماقساتىندا تۇيىق-سۋ شاتقالىندا تىكۇشاق الاڭىنىڭ قۇرىلىسى جۇرگىزىلۋدە. بۇدان باسقا، سپۋتنيكتىك بايلانىسى جانە SOS دابىل تۇيمەلەرى بار تاۋلى مارشرۋتتاردىڭ شالعاي توراپتىق ۋچاسكەلەرىندە 15 تاۋ قۇتقارۋ ساياتشالارى ورناتىلدى.
2 ارنايى باقىلاۋ-قۇتقارۋ پۋنكتى دايىندالدى، ولار تاۋلى جەرلەردە ورنالاسقان، مۇندا 16 قۇتقارۋشى تاۋلىك بويى كەزەكشىلىك جاسايدى. كيماسار شاتقالىندا دابىل تۇيمەلەرىن باقىلاۋ جۇيەسىنىڭ پيلوتتىق جوباسى ىسكە قوسىلدى.
بۇگىندە تاۋلى جەرلەردە 1000 شاقىرىمنان استام جاياۋ ءجۇرۋ مارشرۋتتارى سيفرلاندىرىلدى، ولاردىڭ 500 شاقىرىمى اباتتاندىرىلدى. ولاردىڭ بارلىعى 2GIS جانە ViewRanger پلاتفورمالارىندا قولجەتىمدى. بۇل مارشرۋتتاردا QR-كودتارى بار ستەندتەردى قوسا العاندا، بارلىق قاجەتتى اقپاراتتىق دەرەكتەر ورناتىلعان، وندا تۋريستەر مارشرۋتتىڭ كۇردەلىلىگىمەن، ونىڭ ۇزاقتىعىمەن جانە ءوتۋ ۋاقىتىمەن تانىسا الادى.
بۇدان باسقا، ۇلكەن جانە كىشى الماتى شاتقالدارىندا اعىمداعى جىلدىڭ سوڭىنا دەيىن جالپى ۇزىندىعى 179 كم بولاتىن تاۋ مارشرۋتتارىن اباتتاندىرۋدى اياقتاۋ جوسپارلانۋدا. سونداي-اق گورەلنيك، پروسۆەششەنەس، قىزىلساي، كازاچكا جانە «لۋننايا» الاڭقايىندا 6 كەمپينگ-ايماق قۇرۋ بويىنشا جۇمىس جۇرگىزىلۋدە.