سىزدەردى قازاقستاننىڭ ەڭ ۇلى، ەڭ قاستەرلى مەرەكەسى – تاۋەلسىزدىك كۇنىمەن شىن جۇرەكتەن قۇتتىقتايمىن! تاۋەلسىزدىك – حالقىمىزدىڭ ەركىندىككە دەگەن اسقاق ارمانى مەن عاسىرلار بويعى كۇرەسىنىڭ جەمىسى. بۇگىندە قازاقستان – بىرلىك پەن بەيبىتشىلىكتىڭ مەكەنى، كوپتەگەن ۇلتتار مەن ۇلىستاردى ءبىر شاڭىراق استىنا بىرىكتىرگەن ىنتىماقتى ەل.
تاۋەلسىزدىك – بارلىعىمىز ءۇشىن قاسيەتتى قۇندىلىق. ونى ساقتاۋ، نىعايتۋ – ورتاق مىندەتىمىز. قازاقستان حالقى اسسامبلەياسىنىڭ باستى ماقساتى دا – ۇلتارالىق تاتۋلىق پەن كەلىسىمدى نىعايتۋ. بۇل باعىتتا ءارقايسىمىزدىڭ ەڭبەگىمىز ماڭىزدى.
ءبىزدىڭ ەلدە تۇراتىن كۇرد دياسپوراسى دا وسى يگى ىسكە ۇلەس قوسىپ كەلەدى. ەلىمىزدەگى تۇراقتىلىق پەن گۇلدەنۋ – ءاربىر ازاماتتىڭ قاجىرلى ەڭبەگىنىڭ ناتيجەسى. ءبىز قازاقستاندى ورتاق ءۇيىمىز دەپ سانايمىز جانە ونىڭ بولاشاعى ءۇشىن ايانباي ەڭبەك ەتەمىز.
بارشاڭىزعا زور دەنساۋلىق، وتباسىلارىڭىزعا بەرەكە، بىرلىگىمىزگە بەكەمدىك، مەملەكەتىمىزگە تۇراقتىلىق پەن وركەندەۋ تىلەيمىن! تاۋەلسىزدىگىمىزدىڭ تۇعىرى ءاردايىم بيىك بولسىن!