الماتى تاۋلارىندا اۋستراليالىق تۋريست جوعالىپ كەتتى. ونى ىزدەۋگە پوليسيا قىزمەتكەرلەرى، توتەنشە جاعدايلار قىزمەتى مەن ەرىكتىلەر جۇمىلدىرىلدى، دەپ حابارلايدى Almaty-akshamy.kz.
حابارلامادا 21 مامىر كۇنى Jake Michael ۇلكەن الماتى كولىنە سەرۋەندەۋ ءۇشىن قازىبەك بي كوشەسى، 66-ۇيدە ورنالاسقان "727" حوستەلىنەن شىققانى جازىلعان.
بەلگىلەرى: ارىقتاۋ كەلگەن، قارا قىسقا شاشتى، قوي كوزدى، ساقال-مۇرت قويعان.
كورگەن-بىلگەندەر بولسا، 8 701 357 92 91 نومىرىنە نەمەسە پوليسياعا حابارلاسسا بولادى.
سونداي-اق قالالىق تجد 22 مامىردان بەرى ىزدەستىرۋ-قۇتقارۋ جۇمىستارى جۇرگىزىلىپ جاتقانىن مالىمدەدى. جوعالعان تۋريست ءالى تابىلعان جوق.