جەتىسۋ وبلىسىنىڭ تاۋلارىندا جوعالىپ كەتكەن تيكتوكەر امان-ساۋ تابىلدى، دەپ حابارلايدى Almaty-akshamy.kz.
«7 ماۋسىمدا ساعات 18:50-دە جەتىسۋ وبلىسى تجد كەزەكشى بايلانىس پۋلتىنە 1986 جىلى تۋعان ەر ادامنىڭ 6 ماۋسىم ساعات 15:00 شاماسىندا ەسكەلدى اۋدانىنىڭ تاۋلارىندا ورنالاسقان بۇرقان بۇلاق سارقىراماسىنا قاراي ۆەلوسيپەدپەن كەتكەنى تۋرالى حابارلاما كەلىپ ءتۇستى. ەر ادام – Tik-Tok الەۋمەتتىك جەلىسىندە ءوز بلوگىن جۇرگىزەتىن ساياحاتشى، الماتى قالاسىنىڭ تۇرعىنى.
«ىزدەستىرۋ-قۇتقارۋ جۇمىستارى قارابۇلاق اۋىلىنان 40 شاقىرىم جەردە، قورىن شاتقالى مەن بۇرحان بۇلاق سارقىراماسى اۋداندارىندا جۇرگىزىلدى.
جەدەل جۇرگىزىلگەن اۆاريالىق-قۇتقارۋ جۇمىستارىنىڭ ارقاسىندا ەر ادامدى ساعات 12:00-دە جەتىسۋ وبلىسى تجد قۇتقارۋشىلار توبى بۇرحان بۇلاق سارقىراماسىنان 12 كم قاشىقتىقتا تاپتى. وعان مەديسينالىق كومەك قاجەت بولعان جوق.
ىزدەستىرۋ جۇمىستارىن جۇرگىزۋگە تجد-دان 12 قىزمەتكەر مەن 4 تەحنيكا، كينولوگيالىق ەسەپ، اۋداندىق پوليسيا ءبولىمىنىڭ 2 قىزمەتكەرى مەن 1 تەحنيكاسى جۇمىلدىرىلدى»، - دەلىنگەن تجم مالىمەتىندە.
ەسكە سالايىق، 36 جاستاعى دامير كۋشەيەۆ ىزدەستىرىلىپ جاتقانى تۋرالى بۇعان دەيىنحابارلاعان بولاتىنبىز.