الماتى اكىمدىگى تاۋ بوكتەرىندەگى قۇرىلىستى باقىلاۋدى كۇشەيتۋ بويىنشا كەشەندى جۇمىس جۇرگىزىپ كەلەدى – ەربولات دوسايەۆ
الماتى اكىمى ەربولات دوسايەۆ قايتىس بولعان وتباسىنىڭ تۋىستارىنا كوڭىل ايتىپ، جاقىندارىنا قانداي قولداۋ كورسەتىلەتىنى تۋرالى ايتتى.
«اكىمدىك جەرلەۋدى ۇيىمداستىرۋ مەن ەسكە الۋ ءىس-شارالارىن وتكىزۋ بويىنشا بارلىق قاجەتتى كومەك كورسەتەدى. بۇل وتباسىنىڭ شەتەلدە وقيتىن ۇلكەن ۇلى دميتريي ءشيننىڭ وقۋىنا قارجىلاي قولداۋ كورسەتىلەدى، سونىمەن قاتار، اتا-اناسىنىڭ قارجىلىق مىندەتتەمەسىن شەشۋگە جاردەمدەسەدى»، - دەدى ەربولات دوسايەۆ مەدەۋ اۋدانىنىڭ تۇرعىندارىمەن كەزدەسۋ بارىسىندا.
قالا باسشىسى اكىمدىك الماتى تاۋ بوكتەرىندەگى قۇرىلىستى باقىلاۋدى كۇشەيتۋ بويىنشا كەشەندى جۇمىس جۇرگىزىپ جاتقانىن جانە «تاۋ سامالى» شاعىن اۋدانىنداعى قايعىلى وقيعا ءتيىستى شارالاردى كۇشەيتۋ قاجەتتىگىن دالەلدەگەنىن ەرەكشە اتادى. ماسەلەن، 2022 جىلعى ماۋسىمدا ءماسليحات 15 گرادۋستان اساتىن تاۋلى بەتكەيلەردە قۇرىلىسقا تىيىم سالۋدى ۇسىندى جانە قولدادى.
«وسى نورما قابىلدانعان ساتتەن باستاپ تاۋلى جەرلەردە زاڭسىز قۇرىلىستىڭ انىقتالعان 54 فاكتىدەن سوتتارعا 45 تالاپ-ارىز بەرىلدى، ونىڭ 31ء-ى قالانىڭ پايداسىنا شەشىلدى، 4-ەۋى قاراستىرىلۋدا. قالعان 9-ى بويىنشا ەسكەرتۋلەر جويىلدى نەمەسە قۇرىلىس-مونتاج جۇمىستارى توقتاتىلدى جانە سوتقا تالاپ-ارىزدار دايىندالۋدا»، - دەدى ەربولات دوسايەۆ.
بۇل باعىتتاعى جۇمىس جالعاسادى. قازىرگى ۋاقىتتا الماتىنىڭ 2040 جىلعا دەيىنگى باس جوسپارىنا تولىق سايكەس كەلەتىن جانە قالا اۋماقتارىن قۇرىلىس ءۇشىن ءارتۇرلى تالاپبى بار ايماقتارعا بولەتىن ەگجەي-تەگجەيلى جوسپارلاۋدىڭ جاڭا جوبالارى بەكىتىلدى.