جۋرناليستەر كۇنى قارساڭىندا
قازاقستانداعى ب ا ق وكىلدەرىنىڭ كاسىبي مەرەكەسى قارساڭىندا «Alataý اqparat» جشس-ىنە قاراستى «Almaty aqshamy» جانە «ۆەچەرنيي Almaty» ۇجىمى تاۋعا شىعىپ، مەيرامدى تابيعات اياسىندا اتاپ ءوتتى. بۇل جاي عانا دەمالىس ەمەس، اعا بۋىن مەن جاس جۋرناليستەر اراسىنداعى رۋحاني اڭگىمە، تاجىريبە الماسۋ، تاربيەلىك ءمانى زور باسقوسۋ بولدى.
بىلىكتى باسشى تولەمىس باقتىباي ۇلى باسقارىپ وتىرعان «Alataý اqparat» ۇجىمىنىڭ مەرەكەلىك باسقوسۋىنا قازاقستان جۋرناليستەر اكادەمياسىنىڭ اكادەميگى ساعىمباي قوزىبايەۆ، سونداي-اق ۆالەريي جانداۋلەتوۆ، ماعاۋيا نۇرعالييەۆ سىندى ارداگەر جۋرناليستەر ارنايى قوناققا كەلدى. ولار رەداكسيا ۇجىمىن كاسىبي مەرەكەمەن قۇتتىقتاپ، وزدەرىنىڭ اعالىق ىزگى تىلەكتەرىن ءبىلدىردى.
الماتى ماڭىنداعى تۇرگەن شاتقالىنىڭ «باتان» دەمالىس ورنىندا وتكەن ۇجىمدىق دەمالىس كەزىندە جىل بويى تىنباي ەڭبەك ەتكەن ۇزدىك قىزمەتكەرلەر ارنايى سىيلىقتارمەن، ديپلومدارمەن ماراپاتتالدى. ماراپاتقا يە بولعان ارىپتەستەرىمىزدىڭ اراسىندا «Almaty aqshamy» گازەتىنىڭ ءفوتوتىلشىسى سامات قۇسايىنوۆ پەن جاس ءتىلشى اقتولقىن تۇرلىعازىنىڭ ەڭبەكتەرى ەلەنىپ، ولارعا قازاقستان جۋرناليستەر اكادەمياسىنىڭ ارنايى ديپلومى تابىس ەتىلدى.
«ءبىزدىڭ جۇدىرىقتاي جۇمىلعان ۇجىمىمىزدىڭ ءاربىر قىزمەتكەرىن كاسىبي مەرەكەمىزبەن قۇتتىقتايمىن! رەداكسيادا قىزمەت ەتىپ جۇرگەن ءار ادامنىڭ وزىندىك ورنى بار. جۇمىستان تىس كەزدە وسىلاي مەرەكەلىك كوڭىل كۇيمەن باس قوسىپ تۇرۋىمىز بىرلىگىمىزدى نىعايتا تۇسەدى دەپ ويلايمىن. جانعا جايلى دەمالىس شىعارماشىلىعىمىزعا دا وڭ اسەرىن تيگىزەدى»، – دەدى «Alataý اqparat» ج ش س ديرەكتورى تولەمىس باقتىباي ۇلى.
مىڭ جاساعان شاھاردىڭ قوس گازەتىندە ەڭبەك ەتىپ كەلە جاتقان ارداگەر جۋرناليستەر، رەداكسيانىڭ تابالدىرىعىن جاڭا اتتاعان جاس قالامگەرلەر، گازەتتىڭ ىستىعىنا كۇيىپ، سۋىعىنا توڭاتىن باسقا دا قىزمەتكەرلەر باس قوسىپ، ەستەن كەتپەس ادەمى دەمالىس وتكىزدى.
تامىلجىعان تابيعاتتا ءان دە ايتىلىپ، بي دە بيلەندى، ءتۇرلى ويىندار ۇيىمداستىرىلدى. تاۋداعى بەلسەندى دەمالىستى ءتاۋىر كورەتىن كەيبىر ارىپتەستەرىمىز تاۋ بوكتەرىن ارالاپ، «قايراق» سارقىراماسىنا دەيىن جاياۋ ءجۇرىپ قايتتى. تاۋدىڭ سامالدى كەشىندە الاۋ جاعىلىپ، شوققا كارتوپ تا ءپىسىرىلدى. تابيعاتتاعى ساف اۋانى جۇتىپ، تۇنگى اسپانداعى جۇلدىزدارعا قاراپ، سۋدىڭ سارقىراعان داۋىسى مەن قۇستاردىڭ ءانىن تىڭداپ، شاتىردا قونۋدىڭ ءوزى كەرەمەت.
«Alataý اqparat» ۇجىمى جۋرناليستەردىڭ كاسىبي مەرەكەسىن تابيعات اياسىندا وتكىزۋدى داستۇرگە اينالدىردى. ۇجىم بىلتىر دا «تۇيىق سۋ» دەمالىس ورنىندا دەمالىپ قايتقان ەدى.
ساعىمباي قوزىبايەۆ، قازاقستان جۋرناليستەر اكادەمياسىنىڭ پرەزيدەنتى:
جۋرناليستيكاعا جۇرەكپەن كەل!
«Almaty aqshamy» جانە «ۆەچەرنيي Almaty» گازەتتەرى – ەلىمىزدەگى اقپارات كەڭىستىگىندەگى وزىندىك ورنى بار، تۇراقتى وقىرمانى بار بەدەلدى باسىلىمدار. وسى باسىلىمداردا قازاق جۋرناليستيكاسىنىڭ كوريفەيلەرىنىڭ ءبىرازى ەڭبەك ەتتى. ءقازىر بايقاپ وتىرعانىمداي، گازەتتە جۇمىس ىستەپ جۇرگەن جاستاردىڭ قاتارى كوبەيىپتى. جالپى، جۋرناليستەردىڭ ەڭبەك جولىن گازەتتەن باستاعانىن قۇپتايمىن، بۇل – ۇلكەن مەكتەپ. جۋرناليستيكا – عىلىم. مەن ۇنەمى ايتىپ جۇرەمىن، جۋرناليستيكاعا ماماندىعىڭدى جاقسى كورىپ، جۇرەكپەن كەلۋ كەرەك. سوندا عانا ادالدىق بولادى. ءبىزدىڭ اكادەميا جىلدا جۋرناليستيكانىڭ ءار سالاسىندا جۇرگەن مىقتى مامانداردى ماراپاتتايدى. سولاردىڭ اراسىندا وسى قوس گازەتتىڭ جۋرناليستەرى نازاردان تىس قالعان ەمەس. ساۋاتتى، ءبىلىمدى، جان-جاقتى جۋرناليستەردى قالىپتاستىرۋدا گازەت باسشىلىعىنىڭ، جالپى ۇجىمنىڭ ىقپالى كۇشتى ەكەنىن ايتقىم كەلەدى. الداعى ۋاقىتتا دا الار اسۋلارىڭىز بيىك بولسىن دەگىم كەلەدى. بارشا جۋرناليستەر قاۋىمىن كاسىبي مەرەكەمىزبەن قۇتتىقتايمىن!
ۆالەريي جانداۋلەتوۆ، ارداگەر جۋرناليست، باسپاگەر:
جاستارعا ىزدەنىس كەرەك
مەن جۋرناليستيكا سالاسىندا جارتى عاسىرعا جۋىق قىزمەت ەتىپ كەلەمىن. جۋرناليستيكا ماعان بۇكىل الەمدى تانۋعا، تاۋەلسىز قازاقستاننىڭ قالىپتاسۋ تاريحىنا كۋا بولۋعا مۇمكىندىك بەردى. قازىرگى زاماندا جۋرناليستەردىڭ الاڭسىز جۇمىس ىستەۋىنە بارىنشا جاعداي جاسالۋدا. سوندىقتان وزدەرىنىڭ بارلىق مۇمكىندىگىن پايدالانىپ، كوپ ىزدەنۋى كەرەك دەپ ويلايمىن. جاستارىمىز تەك قازاقستان شەڭبەرىندە عانا ەمەس، حالىقارالىق دەڭگەيدە سۇرانىسقا يە جۋرناليست بولسا ەكەن دەپ تىلەيمىن. كاسىبي مەرەكە قۇتتى بولسىن، ارىپتەستەر!
ماعاۋيا نۇرعالييەۆ، فوتوگراف، ارداگەر جۋرناليست:
فوتوعا ءتۇسىرۋ دە – عاجاپ ونەر!
باسپا ءسوز سالاسىنداعى فوتوجۋرناليستيكانىڭ ورنى ەرەكشە عوي. سۋرەتى سويلەپ تۇراتىن ماماننىڭ جۇمىسى قاشان دا باعالى. قازىرگى تاڭدا كاسىبي فوتوونەرمەن قوسا ەلەكتروندىق تەحنيكانىڭ، گادجەتتەردىڭ پايدا بولۋىمەن باسىلىمداردىڭ كوبى سۋرەتتى عالامتوردان ىزدەيتىنى راس. ءبىراق مەنىڭشە، ءتىپتى قاراپايىم قالتا تەلەفونىمەن سۋرەتكە ءتۇسىرۋ ءۇشىن دە يكەم كەرەك. سوندىقتان قازىرگى جاس جۋرناليستەرگە ءماتىن جازۋمەن قاتار سۋرەتكە ءتۇسىرۋدى، ساپالى فوتو جاساۋدى ۇيرەنىپ الۋ ارتىق بولمايدى. ويتكەنى، قازىرگى اقپاراتتىق زاماندا جان-جاقتىلىق كەرەك. بارشا ارىپتەستەرىمدى، قالام ۇستاعان جۋرناليستەر قاۋىمىن وسىناۋ كەرەمەت مەرەكەمەن قۇتتىقتايمىن. شىعارماشىلىق تابىستارعا جەتە بەرىڭىزدەر!
