زەرتتەۋشىلەر ەلەكتروندى سيگارەتتى كوپ تۇتىناتىن جاسوسپىرىمدەردىڭ ءوز جاسىنان ەرەسەك كورىنەتىنىن ايتادى.
45 جاستان اسقاندارعا قاراعاندا، ەلەكتروندى سيگارەتكە Z ۇرپاق ايرىقشا قۇمار، دەپ حابارلايدى Almaty-akshamy.kz
حوش ءيىستى سيگارەتتىڭ قۇرامىندا ءقاۋىپتى حيميالىق زاتتار مەن ميكروورگانيزمدەر بار، كەي جاعدايدا تىنىس جولىنىڭ اۋرۋلارىنا سوقتىرادى.
ۆەيپ تەرىگە زيان، نيكوتين سەكىلدى ۋلى حيميالىق زاتتار يممۋندىق جۇيەگە اسەر ەتىپ، سوزىلمالى اۋرۋ تۋعىزادى. پسورياز، ت.ب. تەرى اۋرۋلارى قوزادى. تەرى قىزارىپ، تەڭبىل-تەڭبىل بولىپ كەتەدى.
كۇننىڭ ساۋلەسى مەن ۆەيپتىڭ اسەرى قوسىلعاندا ءتىپتى تەرىگە قان كەلۋىن تەجەپ، تەرى جاسۋشالارىنىڭ جاڭارىپ وتىرۋى قيىندايدى.
ەلەكتروندى سيگارەت تەرىنى قۇرعاتىپ، ءاجىمدى كوبەيتەدى. ۆەيپ تۇتىناتىن جاستاردىڭ جاسىنان ەرەسەك كورىنەتىنى سودان دەيدى زەرتتەۋشىلەر. «ءتاتتى تۇتىنگە» قۇمارلاردىڭ اۋزىنان جاعىمسىز ءيىس شىعىپ، ءتىسى مەن ءوڭى سارعىش تارتادى. سيگارەتتىڭ كارتريدجىندەگى حوش ءيىستىڭ قۇرامىنان جۇمباق اۋرۋلار تۋدىراتىن كوكتەيل انىقتالعان.