الەمدە 1،5 ميلليارد ادامعا، ياعني، دۇنيەجۇزى حالقىنىڭ بەستەن ءبىر بولىگىنە سۋ باسۋ ءقاۋپى ءتونىپ تۇر.
ال سۋ تاسقىنىنان جىل سايىن جاھاندىق ەكونوميكاعا 50 ميلليارد دوللار شىعىن كەلەدى. بۇل – اعىلشىن عالىمدارىنىڭ «نەيچا» جۋرنالىندا جاريالاعان دەرەكتەرى، دەپ حابارلايدى Almaty-akshamy.kz 24.kz-كە سىلتەمە جاساپ.
ماماندار كەيىنگى جىلدارى كليماتتىڭ وزگەرۋى سالدارىنان تابيعات اپاتى جيىلەي تۇسكەنىن ايتادى. بىلتىر تاسقىن كوپ ەلدى الەككە سالعان. مىسالى، وتكەن جىلى كوكتەمدە يتاليادا كەيىنگى 100 جىلداعى ەڭ الاپات سۋ تاسقىنى بولدى. 20 مىڭ ادام باسپاناسىز قالدى. جازدا بەيجىڭدە رەكوردتىق مولشەردە جاڭبىر جاۋىپ، 31 مىڭ تۇرعىن ەۆاكۋاسيالاندى. ال كۇزدە افريكانىڭ سولتۇستىگىندەگى ليۆيادا الاپات تاسقىننان 1 ميلليون ادام زارداپ شەكتى. تابيعات اپاتىنان مەملەكەتكە 71 ميلليون دوللار شىعىن كەلگەن.