اۋە لاينەرى كەنەتتەن قاتتى تۋربۋلەنتتىلىك ايماققا ءتۇستى.
بۇگىن KC 128 رەيسىنىڭ بورتىندا قاتتى تۋربۋلەنتتىلىك بولعان، دەپ حابارلايدى اlmaty-akshamy.kz Air Astana اۋەكومپانياسىنىڭ باسپا ءسوز قىزمەتىنە سىلتەمە جاساپ.
اۋەكومپانياسى تاشكەنت-الماتى باعىتى بويىنشا KC 128 رەيسىن ورىنداعان. ۇشاق جەرگىلىكتى ۋاقىت بويىنشا 14.35-تە ۇشىپ كەتتى. ۇشۋ كەزىندە اۋە لاينەرى كەنەتتەن قاتتى تۋربۋلەنتتىلىك ايماققا ءتۇستى.
الدىن الا اقپارات بويىنشا، جەتى جولاۋشى ءتۇرلى جاراقاتتار العان.
اۋە لاينەرى الماتىعا 16.45-تە قوندى. رەيس ەكيپاجى جولاۋشىلارعا العاشقى مەديسينالىق كومەك كورسەتكەن.
ۇشقىشتار بولعان وقيعا جونىندە اۋەجاي قىزمەتىنە حابارلاعان. اۋەجايدا شۇعىل مەديسينالىق كومەك كورسەتۋ ءۇشىن "جەدەل جاردەم" كولىگى جولاۋشىلاردى كۇتىپ الدى.