وزبەكستان استاناسىندا «تۇراقتى تۋريزم ۇلگىسىن دامىتۋ – تۋريستىك الەۋەتتى ارتتىرۋعا باعىتتالعان جول» حالىقارالىق كونفەرەنسياسىنىڭ اشىلۋ سالتاناتى ءوتتى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
«بۇگىنگى كۇنى ەكولوگيالىق تۇراقتىلىق نارىقتاعى باسەكەلەستىكتىڭ ماڭىزدى فاكتورىنا اينالدى. حالىقتىڭ ەكولوگيا تۋرالى حاباردارلىعىن ارتتىرۋ، حالىقارالىق ستاندارتتاردى ەنگىزۋ، ءتيىمدى «جاسىل» تەحنولوگيالاردى قولدانۋ – ەلدىڭ تۋريزم سالاسىن دامىتاتىن نەگىزگى قۇراۋشى فاكتورلار»، - دەپ اتاپ ءوتتى سالەمدەسۋ سوزىندە وزبەكستاننىڭ تابيعي رەسۋرستار ءمينيسترى ازيز ابدۋحاكيموۆ.
قازاقستاندىق دەلەگاسيا وكىلدەرى جۋرناليستەرگە بەرگەن سۇحباتىندا ورتا ازيا ەلدەرىنىڭ تۋريستىك سالاداعى باسەكەگە قابىلەتىن ارتتىرۋ ءۇشىن «جاسىل» تەحنولوگيالاردى پايدالانۋ ماسەلەسى بويىنشا تاجىريبە الماسۋدىڭ ماڭىزدىلىعىن اتاپ ءوتتى.
«ءبىزدىڭ وڭىرگە كەلگەن شەتەلدىك تۋريستەر ورتا ازيانىڭ بىرنەشە ەلىن بىردەن كورگىسى كەلەدى. سول سەبەپتى بۇل كونفەرەنسيادا ءبىز تۇراقتى ءتۋريزمدى حالىقارالىق ترەندتەرگە ساي دامىتۋ ماسەلەلەرىن بىرگە تالقىلايمىز. قازىرگى كۇنى سۋ، تازا اۋا ماسەلەسى، بيوالۋانتۇرلىلىكتى، جانۋارلار جانە وسىمدىكتەر الەمىن ساقتاۋ ەڭ ماڭىزدى ماسەلەلەردىڭ ءبىرى. ءبىز – تۋريزم، تاۋارلار مەن قىزمەتتەردى نەگىزگى تۇتىنۋشىمىز جانە قالدىقتاردى ءوندىرۋشىمىز. سول سەبەپتى وسى جوبالار اياسىندا جەرگىلىكتى كاسىپكەرلەردى سۋدى، ەلەكتر ەنەرگياسىن دۇرىس پايدالانىپ، قوقىستى ءبولۋ جانە قايتا وڭدەۋ ارقىلى تابيعات تەڭدىگىن بۇزباي، ءوز كاسىبىنىڭ تابىسىن ارتتىرۋعا ۇيرەتۋ ماڭىزدى. بۇل اسپەكتىلەر تۇراقتى ءتۋريزمدى دامىتۋدا ماڭىزدى رولگە يە. ياعني، ءبىز ءبىر قاراعاندا وتە قاراپايىم بولىپ كورىنەتىن، ءبىراق شىن مانىندە وتە ماڭىزدى دۇنيەلەردى ۇيرەتەمىز»، - دەدى قازاقستان تۋريستىك قاۋىمداستىعىنىڭ ديرەكتورى راشيدا شايكەنوۆا.
«تۇراقتى ءتۋريزمدى دامىتۋ جەرگىلىكتى تۇرعىنداردى تۇراقتى جۇمىسپەن قامتۋ، كەلەر ۇرپاققا كورنەكتى جەرلەر مەن تابيعات بايلىعىن بۇلىنبەگەن كۇيىندە جەتكىزۋ ءۇشىن ماڭىزدى. وسىنىڭ ءبارىن قامتيتىن بۇۇ تۇراقتى تۋريزم ستاندارتتارى نەگىزىندە جاسالعان ارنايى وقۋ بار. ولار بيزنەستى دە، جەرگىلىكتى اكىمشىلىكتى دە ءتۋريزمدى قالاي دامىتۋعا ۇيرەتەدى. ماسەلەن، وزبەكستاندا 300-دەن استام وتەل مەن ءقوناقۇي ميكروكليماتتى جاقسارتاتىن، سۋ مەن ەنەرگيا رەسۋرستارىن ۇنەمدەيتىن قۇرىلعىلاردى پايدالانادى. مۇنىڭ ءبارى كورسەتىلگەن ستاندارتتاردى ەنگىزۋدىڭ تيىمدىلىگىن ءبىلۋ ماقساتىندا باقىلانىپ وتىرادى. بۇل كۇشتى «جاسىل» ماركەتينگ قۇرالى جانە قوناقتاردىڭ نيەتتەستىگىن ارتتىرادى. وسىنىڭ ارقاسىندا تۋروپەراتورلار مەن تۋريستەر سەرىكتەستىك ءۇشىن وسىنداي وتەلدەردى ءجيى تاڭدايدى. ال بۇل قوسىمشا تابىس الىپ كەلەدى»، - دەدى ەۋرازيالىق تۋريزم قاۋىمداستىعىنىڭ پرەزيدەنتى رىستى قارابايەۆا.
ەو پەن وزبەكستان رەسپۋبليكاسى nابيعي رەسۋرستار مينيسترلىگىنىڭ قولداۋىمەن ءوتىپ جاتقان ءىس-شارا گرەكيا، قازاقستان، كيپر، لاتۆيا، تاجىكستان مەن وزبەكستاننىڭ تۋريستىك سالا وكىلدەرىنىڭ باسىن قوستى.