تاياۋ جىلدارى ساۋد ارابياسىندا سۋ ۇستىندە ءجۇزىپ جۇرگەن تاسباقاعا ۇقساس ۇلكەن شاھار، ياعني ياحتا پايدا بولاتىن كورىنەدى.
ول قالانىڭ اتى دا بەلگىلى – «پانگەوس» (Pangeos) دەپ اتالماق. مۇحيت ۇستىندە ۇستەمدىك قۇراتىن تاسباقا-قالا باقانداي 8 ملرد دوللارعا تۇرعىزىلماق. وعان 60 000 ادامعا دەيىن سىيىپ كەتەدى. ىشىندە ادام جانىنا كەرەكتىنىڭ ءبارى تابىلماق. تاماق تا ىشەسىز، سۇيىكتىڭىزبەن وتىرىپ كوفە دە ۇرتتايسىز، كيىم-كەشەك دۇكەندەرىن ارالايسىز، كىتاپحاناعا، كينوتەاترعا دا باراسىز، باقتا سەرۋەندەيسىز دەگەندەي.
«پانگەوس» قۇرىلىسى اياقتالعان كۇنى ول جاھانداعى جۇزگىش بىرەگەي، جالعىز نىسان بولماق. ونىڭ ۇزىندىعى 550 مەتر، ال ەنى تاسباقانىڭ قاناتىن ەسەپكە العاندا 610 مەتر بولماق. ەرەكشە نىساندى تۇرعىزۋدى قولعا العان ماماندار سەگىز جىلدا قولدانىسقا بەرەمىز دەپ سەنىمدى ايتىپ وتىر.
ءارقايسىسىنىڭ كۇشى 16 800 ل.س. بولاتىن 9 HTS قوزعالتقىشىمەن جۇمىس ىستەيتىن «پانگەوس» قۋاتتى مۇحيت تولقىندارىنان جانە كۇن كوزىن قابىلدايتىن پانەلدەرمەن جابىلعان شاتىردان الاتىن كورىنەدى. ءيا، بۇگىندە ادام بالاسىنىڭ قولىنان كەلمەيتىن نارسە قالماي بارا جاتقان سياقتى.
نۇر جامال