پروباسيالىق باقىلاۋدان جالتارۋشىلاردى ىزدەستىرۋ ءىس-شارالارىن وتكىزۋ بارىسىندا تاراز قالالىق №1 پروباسيا ءبولىمىنىڭ باستىعى ا.نيازىمبەتوۆ پەن ينسپەكتور، ادىلەت اعا لەيتەنانتى س.التىنبەك مەملەكەتارالىق ىزدەستىرۋ جاريالانعان و ەسىمدى سوتتالعان ازاماتتى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
تەكسەرۋ كەزەڭىندە جاس جىگىت ماساڭ كۇيدە بولعاندىقتان، جاعدايدى انىقتاۋ ءۇشىن جامبىل وبلىستىق ناركولوگيالىق ديسپانسەرىنە جەتكىزىلدى. 2003 جىلعى جاس جىگىت قازاقستان رەسپۋبليكاسىنىڭ قىلمىستىق كودەكسىنىڭ 191-بابىنىڭ 2-بولىمىنە (توناۋ) سايكەس كىنالى دەپ تانىلىپ، سوت ۇكىمىمەن وعان قاماۋدا ۇستاۋ بۇلتارتپاۋ شاراسى تاعايىندالعان. بۇگىنگى تاڭدا سوتتالعان ازامات الماتى قالالىق الاتاۋ اۋداندىق سوتىنىڭ ۇكىمى نەگىزىندە تاراز قالاسىنداعى №67 مەكەمەگە (تەرگەۋ يزولياتورى) قاماۋعا الىندى.
ايتا كەتەيىك، قاج قىزمەتكەرلەرى تۇراقتى نەگىزدە سوتتالعان ازاماتتار مەن پروباسيالىق باقىلاۋ ورناتىلعان جازاسىن وتەۋشىلەردى ىزدەستىرۋ جۇمىستارىن جۇرگىزىپ جاتىر.