مەملەكەت باسشىسىنىڭ تاپسىرماسىنا سايكەس 2025 جىلى ەلىمىزدە بالالارعا قاتىستى قۇقىقبۇزۋشىلىق پەن زورلىق-زومبىلىقتىڭ الدىن الۋ شارالارى كۇشەيتىلدى.
باستى نازار تاۋەكەلدەردى ەرتە انىقتاۋعا جانە زاڭعا قايشى ىس-ارەكەتتەردىڭ الدىن الۋعا باعىتتالدى. جىل باسىنان بەرى بالالاردىڭ قۇقىقتارىن قورعاۋ جۇيەسى وقىتۋ، كەڭەس بەرۋ جانە پسيحولوگيالىق قولداۋدى قامتيتىن پروفيلاكتيكالىق باعدارلامالار ارقىلى 2،7 ميلليون بالا، اتا-انا جانە پەداگوگتى قامتىدى، - دەپ حابارلايدى Aqshamnews.kz.
اعىمداعى جىلدىڭ 11 ايىنىڭ قورىتىندىسى بويىنشا كامەلەتكە تولماعاندارعا قاتىستى قىلمىستاردىڭ تومەندەۋى تىركەلدى: قىلمىستىق قۇقىقبۇزۋشىلىقتار سانى 2،3%-عا، ال كامەلەتكە تولماعانداردىڭ جىنىستىق قولسۇعىلماۋشىلىعىنا قارسى قىلمىستار 17،9%-عا ازايدى.
پروفيلاكتيكالىق جۇمىس بالالاردى، وتباسىلاردى جانە پەداگوگيكالىق قاۋىمداستىقتى قامتىپ، كومەك كورسەتۋ قولجەتىمدىلىگى قاعيداتىنا نەگىزدەلەدى. وقۋ جىلىنىڭ باسىنان بەرى بارلىق بالاباقشالاردا، مەكتەپتەر مەن كوللەدجدەردە «جەكە قاۋىپسىزدىك» تاقىرىبىندا 1،4 ملن-نان استام ساباق وتكىزىلدى. پسيحولوگيالىق قولداۋ ورتالىقتارى 35 مىڭنان استام ازاماتقا كومەك كورسەتتى، ال «111» بايلانىس ورتالىعى ارقىلى شامامەن 120 مىڭ بالا قولداۋ الدى.
ءبىلىم بەرۋ ۇيىمدارىندا اتا-انالارعا پەداگوگيكالىق قولداۋ كورسەتۋ ورتالىقتارى جۇمىس ىستەيدى: 33 مىڭنان استام ساباق وتكىزىلدى، ال 1،1 ميلليوننان استام اتا-اناعا كونسۋلتاسيالىق كومەك كورسەتىلدى. بۇل اتا-انالاردىڭ جاۋاپكەرشىلىگىن ارتتىرىپ، وتباسى ينستيتۋتىن نىعايتۋعا ىقپال ەتۋدە.
مەكتەپتەگى بۋللينگتىڭ الدىن الۋعا دا ەرەكشە نازار اۋدارىلدى. جاڭا وقۋ جىلىنان باستاپ ەلىمىزدەگى بارلىق مەكتەپتەر مەن كوللەدجدەردە «دوسبولLIKE» اۋقىمدى انتيبۋللينگتىك باعدارلاماسى جۇزەگە اسىرىلۋدا.
«پروفيلاكتيكا تاۋەكەلدەردى ەرتە كەزەڭدە انىقتاۋعا جانە بالالارعا ۋاقتىلى كومەك كورسەتۋگە مۇمكىندىك بەرەدى. زورلىق-زومبىلىققا نولدىك توزىمدىلىكتى قالىپتاستىرۋ جانە جەدەل ارەكەت ەتۋ – بالالاردىڭ قۇقىقتارىن قورعاۋ جۇيەسىنىڭ نەگىزگى مىندەتتەرى»، - دەپ اتاپ ءوتتى ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا.
بۋللينگ پەن زورلىق-زومبىلىقتى ەرتە انىقتاۋدىڭ ءبىرىڭعاي الگوريتمىن ەنگىزۋ ۆەدومستۆوارالىق جەدەل ارەكەت ەتۋگە مۇمكىندىك بەرىپ، 3 مىڭنان استام كامەلەتكە تولماعان بالاعا ۋاقىتىلى كومەك كورسەتۋگە جاعداي جاسادى. 2025 جىلى زورلىق-زومبىلىقتىڭ، بۋللينگتىڭ جانە ديەۆيانتتى مىنەز-قۇلىقتىڭ الدىن الۋ بويىنشا 17 مىڭنان استام پەداگوگ وقىتۋدان ءوتتى. بۇل ءبىلىم بەرۋ جۇيەسىندە پروفيلاكتيكالىق جۇمىستىڭ ءبىرىڭعاي ستاندارتتارىن قامتاماسىز ەتتى.
2023 جىلدان باستاپ ەلدە العاش رەت بۋللينگ پەن كيبەربۋللينگ ءۇشىن اكىمشىلىك جاۋاپكەرشىلىك ەنگىزىلدى. 2025 جىلدىڭ باسىنان بەرى 404 اكىمشىلىك ءىس تىركەلىپ، ونىڭ 238ء-ى بويىنشا ايىپپۇل سالىندى. بۇل جازانىڭ بۇلتارتپاستىعى قاعيداتىن كۇشەيتىپ، ءبىلىم بەرۋ پروسەسىنە قاتىسۋشىلاردىڭ جاۋاپكەرشىلىگىن ارتتىردى.
سونداي-اق، «زاڭ جانە ءتارتىپ» جوباسى اياسىندا 2025 جىلدىڭ قىركۇيەك ايىنان باستاپ الماتى وبلىسىنىڭ تالعار اۋدانىنداعى 10 مەكتەپ پەن 3 كوللەدجدە قۇقىقتىق تاربيەلەۋ جانە قۇقىققا قارسى مىنەز-قۇلىقتىڭ الدىن الۋ بويىنشا ساباقتار ەنگىزىلدى.
وسىلايشا، پروفيلاكتيكالىق شارالار، انتيبۋللينگتىك باعدارلامالار، جاۋاپكەرشىلىكتى كۇشەيتۋ، «زاڭ جانە ءتارتىپ» جوباسىن ىسكە اسىرۋ – بالالاردىڭ قۇقىقتارىن قورعاۋدىڭ ءبىرىڭعاي جۇيەسىنىڭ ءوزارا بايلانىستى ەلەمەنتتەرى رەتىندە قۇرىلۋدا. بۇل جۇمىستى ودان ءارى دامىتۋ «قۇقىقبۇزۋشىلىقتاردىڭ الدىن الۋ تۋرالى» زاڭ جوباسىندا، سونداي-اق ۆەدومستۆوارالىق ءوزارا ءىس-قيمىلدى نىعايتۋعا جانە بالالار ءۇشىن تاۋەكەلدەردى ازايتۋعا باعىتتالعان 2026–2030 جىلدارعا ارنالعان «قازاقستان بالالارى» ءبىرىڭعاي باعدارلاماسىندا كوزدەلگەن.