قازاقستان الەمدىك تۋريستىك كارتاداعى ءوز پوزيسياسىن نىعايتىپ كەلەدى.
بەدەلدى حالىقارالىق Bloomberg باسىلىمى الماتى قالاسىن 2026 جىلى بارۋعا تۇرارلىق الەمدەگى ەڭ ۇزدىك 25 تۋريستىك باعىتتىڭ تىزىمىنە ەنگىزدى، دەپ حابارلايدى Aqshamnews.kz.
Bloomberg الماتى قالاسىنىڭ تۋريستىك تارتىمدىلىعىنىڭ تۇراقتى ءوسىمىن جانە ونىڭ جىل بويى سۇرانىسقا يە باعىت ەكەنىنە نازار اۋدارادى. ونىڭ ىشىندە قالالىق مادەنيەت، باي تاريحي مۇرا، گاسترونوميا جانە تابيعي لاندشافتتارعا جاقىندىعى كورسەتىلەدى.
«ورتالىق ازيا دالاسىندا شىعارماشىلىق ەنەرگيا قايناپ جاتىر. ەلدىڭ ەڭ ءىرى قالاسىنىڭ تانىمالدىعى ارتىپ كەلەدى جانە 2025 جىلدىڭ 9 ايىندا رەكوردتىق 2،5 ميلليون ادام بولعان. كەيبىرى التىن كۇمبەزدى زەنكوۆ سوبورىن، دامدەۋىشتەر، بال جانە جىلقى ەتىنەن جاسالعان شۇجىقتار ساتىلاتىن جاسىل بازاردىڭ ساۋدا قاتارلارىن كورۋ ءۇشىن كەلەدى. باسقالارى قالانىڭ بەتون قۇرىلىسى ارتىندا مەنمۇندالايتىن ىلە الاتاۋى تاۋلارىنداعى ءالپى كولدەرى مەن تاۋ شاڭعىسى بەتكەيلەرىنە قاراي بەت الادى»، - دەپ جازادى باسىلىم.
Bloomberg الماتىداعى دەمالىستىڭ ماۋسىمدىق ارتۇرلىلىگىنە ەرەكشە نازار اۋدارادى. قىس مەزگىلىندە تۋريستەرگە شىمبۇلاقتىڭ تاۋ بەتكەيلەرىنە بارۋ ۇسىنىلادى.
«Bloomberg نۇسقاسى بويىنشا قازاقستاننىڭ الەمدەگى ەڭ ۇزدىك 25 تۋريستىك باعىتتىڭ قاتارىنا ەنگىزىلۋى - ماڭىزدى حالىقارالىق مويىنداۋ جانە قالانىڭ تانىمالدىعىن ارتتىرۋ بويىنشا Visit Almaty جۇمىسىنىڭ ناتيجەسى بولىپ تابىلادى. بۇل ەلدىڭ جاھاندىق تۋريستىك نارىقتاعى باسەكەگە قابىلەتتىلىگىنىڭ، حالىقارالىق اۋديتوريانىڭ قازاقستانعا قىزىعۋشىلىعىنىڭ ارتقانىن كورسەتەدى. سوڭعى جىلدارى ەلىمىز جەتەكشى الەمدىك ب ا ق رەيتينگتەرىندە ءجيى ەنۋدە»، - دەپ اتاپ ءوتتى «Kazakh Tourism» ۇك» اق باسقارما ءتوراعاسىنىڭ م.ا. دانيەل سەرجان ۇلى.
Bloomberg جىل سايىنعى رەيتينگى تۋريستىك ترەندتەردى ساراپتاۋ، سالا جاڭالىقتارىن تۋريزم سالاسىنداعى ساراپشىلارمەن تالداۋى نەگىزىندە قالىپتاستىرىلادى.