بورتتا بولعان 43 ادامنىڭ 26-سى قۇتقارىلعان
تانزانيادا جولاۋشىلار ۇشاعى كولگە قۇلادى، ونىڭ بورتىندا 43 ادام بولعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
جەرگىلىكتى پوليسيا تاراتقان مالىمەتكە سايكەس، تانزانيانىڭ سولتۇستىك-باتىسىنداعى بۋكوبا قالاسىنىڭ اۋەجايىنا قونۋعا باعىت العان ۇشاق ۆيكتوريا كولىنە قۇلاعان. اپاتقا اۋا رايىنىڭ قولايسىزدىعى سەبەپ بولعان دەپ حابارلاندى.
«سينحۋا» اگەنتتىگىنىڭ مالىمەتىنشە، جولاۋشىلار ۇشاعى دار-ەس-سالام قالاسىنان ۇشىپ كەلە جاتقان. بورتتا بولعان 43 ادامنىڭ 26-سى قۇتقارىلعان. ىزدەستىرۋ-قۇتقارۋ جۇمىستارى اياقتالعان جوق.
سونداي-اق، كاگەرا ايماعىنىڭ باس دارىگەرى يسەساندا كانيكيدىڭ ايتۋىنشا، اپاتتان 3 ادام قايتىس بولعان.
ايتا كەتسەك، يتاليانىڭ وڭتۇستىگىندە تۋريستەر مىنگەن تىكۇشاق اپاتقا ۇشىراپ، 7 ادام كوز جۇمعان ەدى. ونىڭ ەكەۋى – ۇشقىش، بىرەۋى – جەدەل جاردەم دارىگەرى جانە قالعان تورتەۋى – سلوۆەنيالىق ساياحاتشى.