بيىلعى جىل «اlatay Aqparat» ۇجىمى ءۇشىن جەمىستى دە جەڭىستى جىلداردىڭ ءبىرى بولدى. ولاي دەيتىنىمىز، مۇنىڭ الدىنداعى جەتىستىكتەرىمىزدى ايتپاعاندا، كۇنى كەشە ارىپتەستەرىمىز – «ۆەچەرنيي Almaty» گازەتىنىڭ باس رەداكتورى ەۆگەنيي راحيمجانوۆ پەن «ۆەچەرنيي Almaty» گازەتىنىڭ شىعارۋشى رەداكتورى جانىبەك سۇلەيەۆ ق ر اقپارات جانە قوعامدىق دامۋ مينيسترلىگىنىڭ «اقپارات سالاسىنىڭ ۇزدىگى» توسبەلگىسىمەن ماراپاتتالدى.
ماراپاتتاۋ راسىمىنە الماتى قالاسى قوعامدىق دامۋ باسقارماسىنىڭ باسشىسى ايدار ەسەنبەك، قازاقستان جۋرناليستيكا اكادەمياسىنىڭ پرەزيدەنتى ساعىمباي قوزىبايەۆ جانە يۋنەسكو-نىڭ جەتەكشى عىلىمي قىزمەتكەرى ۆالەريي جانداۋلەتوۆ، كوللەكسيونەر، قازاقستان رەسپۋبليكاسىنىڭ ەڭبەك سىڭىرگەن قايراتكەرى ازات اكىمبەك قاتىستى.
«جۋرناليستەر – قىرى-سىرى مول، ەركىندىك پەن دارىندى تالاپ ەتەتىن شىعارماشىلىق يەلەرى. وسى سالادا ەرىنبەي ەڭبەك ەتىپ، وقىرمانداردىڭ وڭ باعاسىنا يە بولعان جانداردى بۇگىنگى ماراپاتتارىمەن شىن جۇرەكتەن قۇتتىقتايمىن! الداعى ۋاقىتتا تولاعاي تابىستارعا جەتۋلەرىنە تىلەكشىمىن. ءقازىر قاراپ وتىرساق، گازەت بەتتەرىندە ويى ورامدى، ءسوزى سەمسەردەي جۋرناليستەردى كوزىمىز شالادى. الدىڭعى بۋىن اعالارمەن تاجىريبە الماسقان جاستارىمىز بولاشاقتا قارىمدى جۋرناليست بولاتىنىنا سەنىمدىمىن»، – دەدى «Alataý Aqparat» ءجشس-نىڭ باس ديرەكتورى تولەمىس كۇلمۇحامەدوۆ.
سونداي-اق، ءدال وسى كۇنى «Alataý Aqparat» مەدياحولدينگىنە قاراستى «ۆەچەرنيي Almaty» گازەتىندە 38 جىلدان استام ۋاقىت تابان اۋدارماي ءبىر سالادا، ءبىر مەكەمەدە ەڭبەك ەتىپ كەلە جاتقان «Alataý Aqparat» ج ش س باس ديرەكتورىنىڭ ورىنباسارى ابدۋحاليل جاليلوۆتىڭ تۋعان كۇنىنە وراي، زەينەتكە شىعۋىنا بايلانىستى قۇتتىقتاۋ ءراسىمى ءوتتى. شيرەك عاسىردان استام جۋرناليستيكا سالاسىندا ەڭبەك ەتكەن ابدۋحاليل جاليلوۆقا «Alataý Aqparat» ۇجىمىنىڭ اتىنان ويۋ-ورنەكپەن كومكەرىلگەن شاپان جابىلدى. ارىپتەستەرى اقجاراما تىلەكتەرىن ارنادى.
«مەنىڭ وسى «Almaty aqshamy» گازەتىنە كەلگەنىمە 16 جىلدىڭ كولەمى بولىپتى. وسى ارالىقتا ءابدۋحاليلدى اعامىزداي سىيلاپ، كوپ نارسە ۇيرەندىك. رەداكسيانىڭ ءبىز بىلە بەرمەيتىن ىشكى جۇمىستارىن، كوزگە كوپ كورىنە بەرمەيتىن جۇمىستاردى تاباندى اتقارىپ كەلەدى. ول كىسىنىڭ ۇيىمداستىرۋشىلىق قابىلەتىنىڭ ارقاسىندا قىزمەتكەرلەرىمىز قانداي دا ءبىر ءىس-شارادا بولسىن، ۇلكەن اۋىزبىرشىلىك تانىتادى. ءوسىپ كەلە جاتقان جاس جۋرناليستەرىمىز وسىناۋ اعالاردان ۇلگى-ونەگە الىپ كەلە جاتقانىنا قۋانىشتىمىن. اعامىزداي بولىپ كەتكەن ابدۋحاليلگە تەك قانا تولاعاي تابىستار تىلەيمىن»، – دەدى «Almaty aqshamy» گازەتى باس رەداكتورىنىڭ ورىنباسارى انۋاربەك اۋەلبەك.
وسى رەتتە ۇجىمىمىزدىڭ ءقادىرلى قىزمەتكەرى ابدۋحاليل جاليلوۆتىڭ قازاقستان جۋرناليستيكا اكادەمياسىنىڭ ۇلتارالىق جۋرناليستيكا سالاسى بويىنشا يولداش ازاماتوۆ اتىنداعى سىيلىعىمەن ماراپاتتالعاندىعىن ەرەكشە اتاپ وتكەنىمىز ءجون بولار.
«ابدۋحاليل ەركەنوۆيچتىڭ جۋرناليستيكا سالاسىندا اتقارعان قىزمەتى - بولاشاق ۇرپاققا ۇلكەن ونەگە. 30 جىلدىق قىزمەتتە قازاق، ورىس رەداكسيالارىندا تاباندى جۇمىس اتقاردى. ۇلتارالىق جۋرناليستيكا سالاسىنا سۇبەلى ۇلەس قوستى. مەن قازۇۋ-دە – قارا شاڭىراقتا مۇعالىمدىك قىزمەت اتقارعانىمدا، ابدۋحاليل مەنىڭ ستۋدەنتىم بولعان. ءقازىر، مىنە، زەينەتكەر جۋرناليست اتاندى. "ارتىڭا قاراپ قارتاياسىڭ" دەگەن وسى بولار، بەينەتىڭنىڭ زەينەتىن كورۋدى ءناسىپ ەتسىن دەگەن تىلەگىمدى بىلدىرگىم كەلەدى»، –دەيدى قازاقستان جۋرناليستيكا اكادەمياسىنىڭ پرەزيدەنتى ساعىمباي قوزىبايەۆ.
«Alataý Aqparat» مەدياحولدينگىنىڭ قىزمەتكەرلەرى ءوز جۇمىسىندا شاھاردىڭ تىنىس-تىرشىلىگىنەن حابار بەرىپ قانا قويماي، ءار مەرەكە سايىن ءتۇرلى ماراپاتتارعا يە بولىپ جاتىر. بۇل دەگەنىمىز، ەسەلى ەڭبەكتىڭ ەلەنگەنىنىڭ بەلگىسى بولار. وسى رەتتە جۋرناليست ءوز ماماندىعىنىڭ ق ۇلى، ءوز ماماندىعىن سۇيمەيتىندەرگە جۋرناليستيكادا ورىن جوق دەمەكشىمىز. ادال قىزمەت اتقارعان جانداردىڭ ەڭبەگى ەسەلەنە بەرگەنى بارشامىزدى قۋانتادى.