قۇرىلىس بيىل تامىز ايىندا تولىعىمەن اياقتالماق
ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ «MFA International» ج ش س مەن «ATM Construction & Investment» ج ش س زاۋىتتارىنىڭ قۇرىلىسىمەن تانىستى، دەپ حابارلايدى Almaty-akshamy.kz مينيسترلىكتىڭ باسپا ءسوز قىزمەتىنە سىلتەمە جاساپ.
ۆەدومستۆو باسشىسى ءبىرىنشى ايالداعان «MFA International» ج ش س زاۋىتى مەديسينالىق بەتپەردەلەر مەن اۋا تازارتاتىن رەسپيراتورلار وندىرەدى. «استانا – جاڭا قالا» اەا يندۋستريالىق پاركى اۋماعىندا ورنالاسقان تۇركيالىق كاسىپورىننىڭ قۇرىلىسى بيىل تامىز ايىندا تولىعىمەن اياقتالماق.
جوبانىڭ العاشقى كەزەڭىندە Z-267 سەريالى قورعانىش دەڭگەيى جوعارى بەتپەردە شىعارۋ كوزدەلسە (جىلىنا 2،5 ملن دانا بەتپەردە)، كاسىپورىن تولىق ىسكە قوسىلعاندا Prestij (P-267V) سەريالى مەديسينالىق ماسكا ءوندىرۋ جوسپارلانعان (جىلىنا 10 ملن دانا بەتپەردە). جوبانىڭ جالپى قۇنى – 2،1 ملرد تەڭگە.
ال تەرەزە، مەديسينالىق قۇرال-جابدىقتار، كەڭسە جيھازدارى مەن مەتالل بۇيىمدارىن وندىرەتىن «ATM Construction & Investment» ج ش س زاۋىتى 2022 جىلدىڭ قىركۇيەك ايىندا ىسكە قوسىلماق. كاسىپورىن «استانا – جاڭا قالا» ارنايى ەكونوميكالىق ايماعىندا ورنالاسقان. جالپى قۇنى 22 ملرد تەڭگەنى قۇرايتىن زاۋىت تولىق ىسكە قوسىلعاندا 500 جاڭا جۇمىس ورنى پايدا بولادى دەپ كۇتىلۋدە. جوبا جالپى اۋماعى 17 مىڭ شارشى مەتر اۋماقتاعى بەس نەگىزگى وندىرىستىك كەشەننەن تۇرادى.
«ق ر ييدم باسشىسى ينۆەستورلارمەن جانە قۇرىلىسقا جاۋاپتى تۇلعالارمەن كەزدەسىپ، كاسىپورىنداردىڭ حالىق يگىلىگىنە قىزمەت ەتەتىنىنە سەنىم ءبىلدىردى»، دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى تاراتقان اقپاراتتا.