تامىز ايىنىڭ باسىندا قازاقستان اۋماعىنىڭ باسىم بولىگىندە ىستىق جانە كوبىنەسە قۇرعاق اۋا رايى بولجانادى، تەك شىعىستا، ەلدىڭ وڭتۇستىك-شىعىسىنداعى تاۋلى جانە تاۋ بوكتەرىندەگى اۋدانداردا نايزاعاي مەن قىسقا مەرزىمدى جاڭبىر كۇتىلەدى. بۇل تۋرالى «قازگيدرومەت» حابارلادى، دەپ جازادى almaty-akshamy.kz
«ەلىمىزدىڭ باتىسىندا، وڭتۇستىگىندە، وڭتۇستىك-شىعىسىندا اۋا تەمپەراتۋراسى تۇندە +20+25°س، كۇندىز +35+42°س، سولتۇستىكتە، ورتالىقتا جانە شىعىستا تۇندە +15+22°س، كۇندىز +30+37°س بولادى.
اۋا تەمپەراتۋراسىنىڭ مۇنداي جوعارى فونى باسقا اۋا ماسسالارىنىڭ ق ر اۋماعىنا ورىن اۋىستىرۋىنا جول بەرمەيتىن بۇعاتتاۋشى انتيسيكلوننىڭ ورنىعۋىمەن بايلانىستى بولادى.
ءبىراق ءبىرىنشى ونكۇندىكتىڭ سوڭىنا قاراي بۇعاتتاۋشى انتيسيكلون ءوز پوزيسيالارىن تاپسىرادى. ونىڭ ورنىنا قازاقستان اۋماعىنا سيكلون كەلەدى جانە ونىمەن بىرگە اتموسفەرالىق فرونتتار بىرتە-بىرتە اۋىسادى.
بۇل ءوز كەزەگىندە نايزاعاي مەن قىسقا مەرزىمدى جاڭبىرعا اكەلەدى. كەيبىر وڭىرلەردە جەلدىڭ كۇشەيۋى مۇمكىن. سونداي-اق جىلۋدىڭ تومەندەۋى بولجانادى.
رەسپۋبليكانىڭ وڭتۇستىك جارتىسىندا اۋا تەمپەراتۋراسى كۇندىز +25+30°س، سولتۇستىك جارتىسىندا +20+27°س جەتەدى.
ايدىڭ ەكىنشى ونكۇندىگىندە رەسپۋبليكانىڭ سولتۇستىك جارتىسىنا سۋىق اۋا ماسسالارى تۇسەدى. بۇل اۋا رايىنىڭ تۇراقسىز سيپاتىنا اكەلەدى – جاڭبىر جاۋادى، تاۋلى جانە تاۋ بوكتەرىندەگى اۋدانداردا قاتتى، نايزاعاي مەن جەلدىڭ كۇشەيۋى كۇتىلەدى. سولتۇستىك وڭىرلەردە اۋا تەمپەراتۋراسى كۇندىز +17+25°س-تان +23+30°س-قا دەيىن اۋىتقيدى، ال وڭتۇستىك وڭىرلەردە اۋا تەمپەراتۋراسىنىڭ نەگىزگى اياسى +28+35°س بولادى. اۋا تەمپەراتۋراسى كۇندىز +23+28°س بولاتىن وڭتۇستىك وڭىرلەردە قالىپتى جىلى اۋا رايى كۇتىلەدى، ال سولتۇستىك وڭىرلەردە اۋا-رايى كۇزگى سيپاتقا يە بولادى، كۇندىز اۋا تەمپەراتۋراسى +17+22°س جەتەدى»، - دەپ حابارلايدى «قازگيدرومەت».