قازاقستان رەسپۋبليكاسى پرەمەر-مينيسترىنىڭ ورىنباسارى تامارا دۇيسەنوۆا اقتوبە وبلىسىنا جۇمىس ساپارى بارىسىندا پەداگوگتارمەن كەزدەسۋىندە قازاقستاندا اتوم ەلەكتر ستانسياسىن (اەس) سالۋ تاقىرىبىن قوزعادى.
«6 قازاندا اتوم ەلەكتر ستانسياسىن سالۋ بويىنشا رەفەرەندۋم وتەدى. قوعامدا ءتۇرلى پىكىرلەر بار. مەن بۇل ماسەلەنى الەۋمەتتىك سالا تۇرعىسىنان قاراستىرۋدى ۇسىنامىن. ءقازىر ەلىمىزدە شامامەن 8 مىڭ مەكتەپ، 6 مىڭعا جۋىق مەديسينالىق ۇيىم جانە 10 مىڭعا جۋىق مەكتەپكە دەيىنگى مەكەمە بار. بۇل ۇيىمدار جەلىسى كەڭەيىپ، سايكەسىنشە ەلەكتر ەنەرگياسىنا دەگەن سۇرانىس تا ارتادى. اتوم ەلەكتر ستانسياسىنان قورقۋدىڭ قاجەتى جوق دەپ ويلايمىن. 1959 جىلدان بەرى الماتىدا يادرولىق فيزيكا ينستيتۋتى جۇمىس ىستەپ كەلەدى، وندا رەاكتور ورناتىلعان جانە ولار عىلىمي قىزمەتپەن اينالىسادى. ولاردىڭ جۇمىسىنا ەشقانداي شاعىم جوق. ازاماتتار الداعى رەفەرەندۋمعا بەلسەندى قاتىسىپ، ءوز تاڭداۋلارىن جاساۋى كەرەك»، – دەپ اتاپ ءوتتى تامارا دۇيسەنوۆا.